"Bədənimə görə tənqid edirlər"

Türkiyəli aktrisa Başak Gümülcinelioğlu sosial şəbəkələrdə ünvanına səslənən tənqid və zorbalığa etiraz edib.

Sonxeber.az türk mediasına istinadən xəbər verir ki, aktrisa son zamanlar həm ana olması, həm də ekranlara geri dönüşü ilə gündəmdədir.

Həmkarı Çağrı Çıtanak ilə xoşbəxt evlilik yaşayan Gümülcinelioğlu yaxın zamanda övladını qucağına alıb. O, "Çirkin" serialı ilə yenidən tamaşaçı qarşısına çıxıb.

Aktrisa paylaşımında bədən quruluşu ilə bağlı yazılan neqativ rəylərə reaksiya verərək bu cür yanaşmaların qəbuledilməz olduğunu bildirib. O, xüsusilə qadınların doğuşdan sonra dəyişən bədənləri üzərindən edilən tənqidlərin cəmiyyət üçün zərərli olduğunu vurğulayıb.

Başak Gümülcinelioğlunun açıqlaması sosial mediada geniş müzakirələrə səbəb olub və bir çox istifadəçi ona dəstək mesajları yazıb.

Telegramda izləyin