Robotlar müəllimləri əvəz etsə, nəticə nə olar? - AÇIQLAMA

Süni intellekt və robot texnologiyalarının sürətlə inkişaf etdiyi dövrdə bir çox peşələrin gələcəyi müzakirə olunur. Ən çox diqqət çəkən sahələrdən biri isə təhsildir.

Son illər ağıllı proqramlar, virtual müəllimlər və avtomatlaşdırılmış dərs sistemləri məktəblərdə getdikcə daha çox tətbiq edilir.

Bu da cəmiyyətdə mühüm bir sual yaradır: robotlar müəllimləri əvəz etsə, nəticə nə olar?

Mövzu ilə bağlı təshil eksperti Şəmsi Qoca Sonxeber.az -a açıqlama verib:

"İnsanı istehsalatda robot əvəz edər və bu işlər uğurlu alınır. İnsan tərbiyəsini texnikaya, robota etibar eləmək ağılsızlıqdan başqa bir şey deyil. Niyə? çünki insan digər canlılardan fərqli olaraq həm də sosial varlıqdır. Cəmiyyətdən kənarda insanadicə bioloji varlıq ola bilər. ( mauqli kimi) İnsanın insan olması üçün onun valideyn və müəllim tərbiyəsinə ehtiyacı var. Robot uşağa yazılmış proqram üzrə standart tövsiyıələr verəcəkdir. Lakin o tövsiyələrdə müəllimin şagirdə aşıladığı sevgi, məhəbbət hisslərini, duyğularını kim aşılayacaq, kim verəcək? Hissi, həyəcanı, mənəvi dünyası olmayan robotun tərbiyə elədiyi insan da elə robot kimi bir şey olacaqdır və bu bəşəriyyəti fəalkətə sürükləmək deməkdir".

Telegramda izləyin