TikTok canlılarına hədiyyə atmaq üçün evini satdı

Türkiyədə yayımlanan "Müge Anlı ile Tatlı Sert" verilişində gündəmə gələn Kadir Cem Düdük heç vaxt tanımadığı anası Fatma Balakanı tapmaq üçün proqrama müraciət edib.

Sonxeber.az türk mediasına istinadən xəbər verir ki, veriliş zamanı gənc diqqətçəkən etiraflar da edib. O bildirib ki, TikTok platformasında canlı yayımlara hədiyyə göndərmək üçün istifadə olunan jetonları almağa başlayıb və zaman keçdikcə buna nəzarəti itirib. Hesab səviyyəsini yüksəltmək üçün xərclər etdiyini deyən Düdük, bunun sonradan vərdişə çevrildiyini söyləyib.

Kadir Cem Düdük xərclərinin getdikcə artdığını, bu səbəbdən əvvəlcə torpaq sahəsini satdığını bildirib. Daha sonra borcları səbəbindən adına rəsmiləşdirilmiş evin də satışa çıxarıldığını və yaxın qohumlarından birinə satmaq məcburiyyətində qaldığını qeyd edib.

Proqramın aparıcısı Müge Anlı və studiyadakılar gəncin açıqlamaları qarşısında təəccüblərini gizlədə bilməyiblər. Hadisə sosial şəbəkələrdə də geniş müzakirələrə səbəb olub və rəqəmsal platformalarda edilən xərclərlə bağlı mübahisələri yenidən gündəmə gətirib.

Telegramda izləyin