Keçmiş məhkəmə sədrindən Şok DƏLƏDUZLUQ: Vəzifəsindən istifadə edib sənədləri saxtalaşdıraraq restoranını icarəyə verib

Bakı şəhəri Nizami Rayon Məhkəməsinin keçmiş sədri, hazırda Vəkillər Kollegiyasının üzvü Məhəmməd Əkbərov vəzifəsindən sui-istifadə edərək Nizami Rayon Məhkəməsinə məxsus olan torpaqda restoran tikib, daha sonra isə sənədləri saxtalaşdıraraq icarəyə verib.

Bunu Sonxeber.az-a müraciət edən zərərçəkmiş sahibkar məlumat verib.

O, bildirib Məhəmməd Əkbərov məhkəmə sədri olmasından istifadə edərək bir çox özbaşınalığa imza atıb. Bele ki, sənəddə restoranın yerləşdiyi ünvan yalnış qeyd olunaraq qeyri-yaşayış kimi deyil, yaşayış sahəsi kimi qeydiyyatdan keçirilib. Ən önəmlisi isə restoran yüksək gərginlikli elektrik xətlərinin altında inşa edilib. Görünür müvafiq qurumlar Məhəmməd Əkbərovun məhkəmə sədri olmasından çəkindiyinə bu qanun pozuntusuna göz yumub. Hazırda məsələ ilə məhkəmə Nizami Rayon Məhkəməsində davam edir.

Məhəmməd Əkbərovun məsələ ilə bağlı mövqeyini öyrənmək istəsək də suallarımızı cavablandırmaqdan imtina edib.

Qarşı tərəfin mövqeyini dərc etməyə hazırıq.

Qeyd edək ki, Məhəmməd Əkbərov 2007-2017-ci illərdə Bakı şəhəri Nizami Rayon Məhkəməsinin sədri vəzifəsində çalışıb. Daha sonra Bakı Ağır Cinayətlər Məhkəməsinin hakimi işləmişdir. Hazırda vəkil kimi fəaliyyət göstərən Məhəmməd Əkbərov Vəkillər Kollegiyasının üzvü seçilmişdir.

Telegramda izləyin