Ölüm riski yüksək olan HANTAVİRUS: Azərbaycanda yoluxma varmı?
Son günlərdə hantavirusla bağlı xəbərlər dünyada diqqət çəkir. Xüsusilə xəstəliyin ağır gedişi və ölüm riski barədə xəbərlər narahatlıq yaradıb.
Argentinadan Kabo-Verdeyə gedən 150-dən çox sərnişinin və 61 ekipaj üzvünün olduğu Niderlanda məxsus "MV Hondius" kruiz laynerində hantavirusla bağlı yoluxma halları qeydə alınıb. İndiyədək azı səkkiz yoluxma və üç ölüm faktı təsdiqlənib.
Bəs Azərbaycanda risk varmı?
BAKU.WS Xəzər TV-yə istinadən xəbər verir ki, hazırda bu virusun yayılma və ikinci COVID-19-a çevrilmə ehtimalı dünya mediasında müzakirə edilən əsas mövzulardan birinə çevrilib.
İnfeksionistlərin sözlərinə görə, hantavirus insanlar və heyvanlar üçün təhlükə yaradan patogendir. Əsasən, gəmiricilərdən yoluxur:
"Hantavirusa yoluxmuş gəmiricilərin ifrazatları nəticəsində ətrafa yayılır. Xüsusilə təmasdan bir və səkkiz həftə ərzində ilkin kliniki əlamətlər müşahidə edilə bilər. İlkin kliniki əlamətlər isə qripəbənzər əlamətlərlə özünü göstərir.
Yüksək hərarət, halsızlıq, əzginlik, əzələ ağrıları, başağrıları kimi əlamətlər özünü göstərir. Xəstəlik, əsasən, bədən temperaturunun yüksəlməsi, güclü başağrıları, iştahasızlıq, ürəkbulanma, qusma, sümük-əzələ ağrıları ilə müşahidə olunur.
Əsasən, iki forması var: hemorragik sindromlu böyrək forması və pulmonar sindrom dediyimiz ağciyər forması.
Bu iki formadan biri inkişaf edir və təəssüf ki, letallığı yüksəkdir.
Bu xəstəlik koronavirusda olduğu kimi pandemiya törətmək potensialına malik deyil. Çünki bu xəstəlik koronavirusda olduğu kimi hava-damcı yolu ilə insandan-insana yoluxmur".
Səhiyyə Nazirliyindən sorğuya cavab olaraq bildirilib ki, hazırda Azərbaycan ərazisində hantavirus infeksiyasına şübhəli və ya təsdiqlənmiş yoluxma halları qeydə alınmayıb.
"Bu virus ölkəmiz üçün endemik hesab olunmur və mövcud epidemioloji vəziyyət virusun yayılma riskinin aşağı olduğunu göstərir. Hantavirus, əsasən, siçan və digər gəmiricilər vasitəsilə yoluxa bilər. Bu səbəbdən risk daha çox gəmiricilərlə sıx təmas olan yerlərdə mövcuddur. Profilaktik məqsədlə gigiyena qaydalarına əməl etmək, gəmiricilərə qarşı mübarizə aparmaq və köhnə məkanlarda təmizlik zamanı qoruyucu vasitələrdən istifadə etmək tövsiyə olunur".
Nazirlikdən qeyd olunub ki, hazırda vəziyyət əhali üçün narahatlıq doğurmur və epidemioloji durum müvafiq qurumlar tərəfindən daim nəzarətdə saxlanılır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bu ərazidə pensiyalar tam verildi
Bu tarixdə QISA İŞ GÜNÜ OLACAQ
"WhatsApp" ödənişli oldu
Məhərrəmlik ayı BU TARİXDƏ BAŞLAYIR
İnstensiv yağış, sulu qar yağacaq, SEL KEÇƏCƏK - Nə vaxtadək?
Bakıda bu ərazilərdə söküntü planlaşdırılır
Bu şəxslərə maaş yeni qayda ilə VERİLƏCƏK
Bu şəxslər metro və avtobuslarda pulsuz gedə bilər - GÖZLƏNİLƏN QƏRAR
Gəmidə həlak olan azərbaycanlı AİLƏNİN TƏK OĞLU İMİŞ
Günəşin heç batmadığı dağlarda 20 min avroluq xəzinə ovu
Qızıl Yerə hardan gəlib? - Alimlər açıqladı
Bakıda ŞOK ANLAR: Küçənin ortasında avtobusu saxladıb hücum etdi - VİDEO
Bank kartı olanların diqqətinə: YENİLİK OLACAQ - TARİX