Bakıda iri anbar yanır - Hadisə yerindən ƏN SON MƏLUMATLAR - YENİLƏNİR - FOTO - VİDEO

Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğınla mübarizə tədbirləri davam etdirilir.

Oxu.Az xəbər verir ki, ərazidə küləyin əsməyi səbəbindən yanğını söndürmək çətinləşib.

Hazırda yanğının digər anbara keçməsinin qarşısı alınması istiqamətində işlər davam edir.
10:33

Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğının tam söndürülməsi istiqamətində zəruri və təxirəsalınmaz tədbirlər davam etdirilir.

Bununla bağlı Sonxeber.az-a Fövqəladə Hallar Nazirliyindən (FHN) məlumat verilib.

Yanğının söndürülməsi əməliyyatına FHN-in Dövlət Yanğından Mühafizə, Xüsusi Riskli Xilasetmə xidmətləri, Aviasiya dəstəsi və Bakı Regional Mərkəzinin ümumilikdə 182 nəfərdən ibarət şəxsi heyəti, 40 ədəd xüsusi təyinatlı texnikası və 2 helikopteri cəlb olunub.

Əlavə məlumat veriləcək.
09:59

Fövqəladə Hallar Nazirliyinin (FHN) qüvvələri tərəfindən görülmüş zəruri və təxirəsalınmaz tədbirlər sayəsində Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğın mürəkkəbliyinə və havanın küləkli olmasına baxmayaraq, daha geniş sahəyə yayılmasının qarşısı alınaraq nəzarətə götürülüb.

Bununla bağlı Oxu.Az-a FHN-dən məlumat verilib.

Bildirilib ki, hazırda yanğının tam söndürülməsi istiqamətində əməliyyat davam etdirilir.

Əlavə məlumat veriləcək.

Baku TV-nin yanğının baş verdiyi yerdən çəkdiyi görüntüləri təqdim edirik:

09:42

"Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğında xəsarət alan olmayıb".

Bu məlumat Oxu.Az-ın sorğusuna cavab olaraq Respublika Təcili və Təxirəsalınmaz Tibbi Yardım Mərkəzindən verilib.

"Mayın 12-də saat 01:20-də Respublika Təcili və Təxirəsalınmaz Tibbi Yardım Mərkəzində Qaradağ rayonu, Lökbatan qəsəbəsindən çağırış qeydə alınıb. Çağırış ünvanına təcili tibbi yardım briqadası cəlb olunub. Saat 09:30-adək xəsarət qeydə alınmayıb", - deyə məlumatda vurğulanıb.

09:33

Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğınla mübarizə tədbirləri davam etdirilir.

Oxu.Az-ın məlumatına görə, cəlb olunmuş qüvvələrin operativ və effektli idarə edilməsi üçün qərargah yaradılıb.

09:13

Bakı şəhəri, Qaradağ rayonu, Lökbatan qəsəbəsində yerləşən anbarda baş vermiş yanğınla mübarizə tədbirləri davam etdirilir.

Bununla bağlı Oxu.Az-a Fövqəladə Hallar Nazirliyindən məlumat verilib.

Bildirilib ki, xilasediciləri tərəfindən zəruri təhlükəsizlik tədbirləri davam etdirilməklə, anbardakı malların çıxarılaraq təhlükəsiz əraziyə daşınması işləri həyata keçirilir.

Əlavə məlumat veriləcək.

08:41

Paytaxtın Qaradağ rayonunda yerləşən anbarların birində baş verən yanğınla mübarizə tədbirləri davam etdirilir.

Oxu.Az-ın əldə etdiyi məlumata görə, hadisə nəticəsində xəsarət alan yoxdur.

08:17

Fövqaladə hallar naziri general-polkovnik Kəmallədin Heydərov paytaxtın Qaradağ rayonunda yerləşən anbarların birində yanğın baş verən əraziyə gəlib.

Bu barədə Oxu.Az xəbər verir.

08:13

Paytaxtın Qaradağ rayonunda yerləşən anbarların birində baş verən yanğının söndürülməsi istiqamətində işlər davam edir.

Oxu.Az-ın məlumatına görə, əraziyə təcili tibbi yardım avtomobili cəlb olunub.
07:57

Paytaxtın Qaradağ rayonunda yerləşən anbarların birində baş verən yanğının söndürülməsi üçün əraziyə FHN-in aviadəstəsinin helikopteri cəlb olunub.

Bu barədə Oxu.Az xəbər verir.

07:43

Paytaxtın Qaradağ rayonunda yerləşən anbarlar müxtəlif şirkətlərə aiddir.

Oxu.Az-ın məlumatına görə, hazırda kabel xətlərinin yerləşdiyi hissədə güclü yanğın müşahidə edilir.

07:36

Paytaxtın Qaradağ rayonunda yerləşən anbarların birində başlayan yanğının ilkin səbəbi məlum olub.

Oxu.Az xəbər verir ki, ilkin ehtimala görə, hadisəyə səbəb elektrik naqillərində yaranan qısaqapanma olub.

Qeyd edək ki, yanğının söndürülməsi istiqamətində işlər davam etdilir. Əraziyə xeyli sayda canlı qüvvə və texnika cəlb edilib.

07:19

Paytaxtın Qaradağ rayonunda yerləşən anbarların birində baş vermiş yanğının söndürülməsi istiqamətində işlər davam edir.

Oxu.Az xəbər verir ki, hazırda Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri yanğının digər anbarlara keçməsinin qarşısını almağa çalışırlar.

Yanğının söndürülməsi üçün əraziyə FHN-in kifayət qədər texnikası və canlı qüvvəsi cəlb edilib.

07:06

Paytaxtın Qaradağ rayonunda yerləşən anbarların birində baş vermiş yanğınla bağlı polis əməkdaşları dərhal əraziyə cəlb olunublar.

Oxu.Az xəbər verir ki, bu barədə Daxili İşlər Nazirliyinin (DİN) mətbuat xidmətindən bildirilib.

Qeyd olunub ki, hadisə yerində vətəndaşların təhlükəsiz şəkildə təxliyə olunması, həmçinin yanğınsöndürmə-qurtarma qüvvələrinin maneəsiz fəaliyyətinin təmin edilməsi məqsədilə zəruri operativ tədbirlər görülür.

06:41

Bakı şəhəri, Qaradağ rayonu, Lökbatan qəsəbəsi ərazisində yanğın hadisəsi ilə əlaqədar Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri hadisə yerinə cəlb olunub.

Oxu.Az bu barədə FHN-in mətbuat xidmətinin məlumatına istinadən xəbər verir.

Hazırda yanğınla mübarizə tədbirləri davam etdirilir.

06:27

Bakının Qaradağ rayonu ərazisində güclü yanğın başlayıb.

Oxu.Az xəbər verir ki, Lökbatan qəsəbəsi yaxınlığında böyük anbar yanır.

Hadisə yerindən görüntüləri təqdim edirik:

Telegramda izləyin