Azərbaycan Ermənistanda keçiriləcək parlament seçkilərinə müşahidəçi göndərəcəkmi? - AÇIQLAMA

Xəbər verdiyimiz kimi İyunun 7-də Ermənistanda parlament seçkiləri keçiriləcək. Bu gün hamını maraqlandıran sual Ermənistanda keçiriləcək parlament seçkilərinə Azərbaycan müşahidə heyəti göndərəcəkmi?

Bununla bağlı Sonxeber.az-a danışan deputat Aydın Mirzəzadə bildirib ki, Azərbaycandan mütəmadi olaraq başqa ölkələrdə keçirilən seçkilərə müşahidəçilər gedir:

"Bu əsasən üzv olduğumuz dövlətlərin beynəlxalq təşkilatların parlament assambleyasının və ya seçki keçirilen ölkənin Mərkəzi Seçki Komissiyasının Azərbaycana müraciət edərək müşahidəçi göndərməsini xahiş etməsi reallaşır. Bu gün biz Ermənistanın da olduğu bir çox beynəlxalq təşkilatlara üzvük. Əgər həmin təşkilatlardan və ya Ermənistan Mərkəzi Seçki Komissiyasından ölkəmizə müraciət olunarsa əlbəttə ki, müşahidəçi kimi seçkilərdə iştirak edə bilərik. Düşünürəm ki, Bu məsələ müzakirə oluna bilər. Nəzərə alsaq ki, Azərbaycan-Ermənistan arasında artıq normal qonşuluq münasibətləri ilə bağlı ilk addımlar atılıb. Ermənistan Konstitusiyasında da dəyişiklik olarsa artıq sülh müqaviləsi bağlanılacaq və normal diplomatik münasibətlərə qurulacaq"ol.

Səs qəzetinin baş redaktoru, siyasi ekspert Bəhruz Quliyev də suala cavab olaraq söyləyib ki, bu məsələ ilk növbədə seçkilərin hansı formatda keçiriləcəyindən, beynəlxalq müşahidə missiyalarına dəvətin olub-olmamasından və ikitərəfli siyasi münasibətlərin səviyyəsindən asılıdır:

"Mövcud reallıqda Azərbaycanın rəsmi müşahidə heyəti göndərməsi real görünmür.
Çünki iki ölkə arasında hələ tam normallaşma başa çatmayıb, sülh müqaviləsi imzalanmayıb və etimad mühiti tam formalaşmayıb. Belə şəraitdə Azərbaycan tərəfinin rəsmi müşahidə missiyası göndərməsi siyasi baxımdan aktual məsələ deyil.Amma ümumilikdə, Azərbaycan üçün əsas məsələ Ermənistan daxilində hansı qüvvənin hakimiyyətə gəlməsi yox, həmin hakimiyyətin beynəlxalq hüquqa hörmət etməsi, ərazi iddialarından imtina etməsi və sülh sazişinə sadiq qalmasıdır".

Telegramda izləyin