"Fransa anlamalıdır ki, Cənubi Qafqaz artıq kənardan idarə olunan məkan deyil" - Bəhruz Quliyev

"Ermənistanda hər seçki öncəsi revanşist dairələr, xarici havadarların təsiri altında olan qüvvələr və anti-Azərbaycan ritorikasından siyasi dividend qazanmaq istəyən qruplar fəallaşırlar. Bu baxımdan növbəti seçki mərhələsi də istisna olmayacaq. Xüsusilə ile də Fransa. Təəssüf ki, bu gün Fransa Ermənistan üzərində təsir gücünə malikdir. Bele ki, Fransa son illər Ermənistana ən açıq siyasi dəstək verən ölkələrdən biridir və bu ölkənin region proseslərinə müdaxilə cəhdləri artıq sirr deyil".

Bunu Sonxeber.az-a danışan Səs qəzetinin baş redaktoru, siyasi ekspert Bəhruz Quliyev bildirib.

Bəhruz Quliyev vurğulayıb ki, Parisin Ermənistanda seçkiöncəsi proseslərə siyasi, diplomatik və informasiya təsiri göstərmək imkanları var:

"Xüsusilə, anti-Azərbaycan mövqedə olan dairələrin dəstəklənməsi istisna edilmir. Faransa birmənalı şəkildə daim Ermənistanın yanında durub və Qarabağda separatizmə dəstək verib. Bu dəstək bu gün də davam edir. Azərbaycanın BMT-nin 4 mühüm qətnaməsini icra etməklə Qarabağı işğalçılardan azad etməsini Paris alqışlamaq əvəzinə, beynəlxalq hüquqa qarşı kampaniya aparır. Fransa anlamalıdır ki, Cənubi Qafqaz artıq kənardan idarə olunan məkan deyil. Region dövlətləri öz talelərini özləri müəyyənləşdirirlər. Xarici güclərin birtərəfli müdaxiləsi isə sülh prosesinə kömək etmir, əksinə, qarşıdurma riskini artırır. Əgər Fransa həqiqətən sabitlik istəyirsə, o zaman tərəfkeşlikdən imtina etməli, balanslı və beynəlxalq hüquqa əsaslanan siyasət yürütməlidir. Əks halda onun təsiri daha çox destruktiv faktor kimi qiymətləndiriləcək".

Telegramda izləyin