"Azərbaycan bu gün Qarabağ və Şərqi Zəngəzuru qurmaqla həm də öz mədəni imicini bir daha dünyaya sübut edir" - DEPUTAT

Dünyada gedən inkişaf meylləri şəhərsalma prosesini sürətləndirir. Yeni iş yerlərinin yaradılması, şəhər həyat səviyyəsinin yaxşılaşdırılması həm də dayanıqlı mühitin yaradılması ilə paralel addımlamalıdır.

Şübhəsiz ki, şəhərləşmənin iqtisadiyyata müsbət təsiri qədər, mənfi təsirləri də qaçılmazdır. Məhz buna görədir ki, dövlətlər və hökumətlər bu istiqamətdə qərar qəbul edərkən son dərəcə düşünülmüş addımlar atmalıdır. Azərbaycan da dünyada baş verən proseslərdən kənarda qalmır və şəhərsalma Azərbaycanda inkişaf etdiyi qədər, həm də bu işə cənab Prezident İlham Əliyevin və Birinci vitse-prezident Mehriban Əliyevanın qayğısının şahidiyik.
Cənab Prezident İlham Əliyevin forumda çıxışı zamanı söylədiyi fikirlər bir daha ondan xəbər verir ki, şəhərlərimizin mədəni simasının itirilməməsi, tarixi yaddaşımızın qorunub saxlanılması əsas amillərdən biridir. Azərbaycanda şəhərsalma indi başlamayıb. Qədim dövrlərdən etibarən Azərbaycan xalqı qurub-yaradan, mədəni bir xalq olub. Bunu sübut edən indiki amil ondan ibarətdir ki, Azərbaycan bu gün Qarabağ və Şərqi Zəngəzuru qurmaqla həm də öz mədəni imicini bir daha dünyaya sübut edir.

Şəhərsalma ilə bağlı konkret təşəbbüslərin göstərildiyinin şahidiyik. Məhz bunun nəticəsidir ki, Qarabağ və Şərqi Zəngəzur yenidən qurularkən burada həm də dayanıqlı inkişaf məqsədlərinə töhfə verilir. Bölgənin yaşıl enerji zonası elan edilməsi bunun bariz nümunəsidir.

Bütövlükdə isə forumda 180 ölkədən 45 mindən artıq insanın iştirakı Azərbaycanın qlobal proseslərə verdiyi töhfədən, həm də ölkəmizi beynəlxalq aləmdə gedən müzakirələrin mərkəzinə yerləşdirdiyindən xəbər verir. Bu isə şübhəsiz ki iqtisadiyyata, yürüdülən siyasətə müsbət təsir göstərir, habelə iştirak etdiyimiz diplomatik masada da uğurlar əldə etməyimizə gətirib çıxardır.

Azər Badamov

Milli Məclisin deputatı

Telegramda izləyin