İranla saziş Netanyahu və Tramp arasında qarşıdurma yaradıb?

İsrailin Baş naziri Benyamin Netanyahu və ABŞ Prezidenti Donald Tramp İran üzrə sülh sazişi məsələsində fikir ayrılıqları səbəbindən münaqişə astanasındadırlar. İki siyasətçinin bu məsələdə hədəfləri olduqca fərqlidir.

Oxu.Az-ın xəbərinə görə, bu barədə "Reuters" nəşri yazıb.

Belə ki, Netanyahu ABŞ ilə birlikdə İran rəhbərliyini devirmək və Yaxın Şərqdə siyasətin yeganə memarı olmaq arzusunda idi, Tramp isə İranla müharibə vəziyyətindən çıxmaq yollarını axtarır. Nəticədə hər iki lider məqsədlərinə nail olmayıb, İsrailin Livandakı hərbi əməliyyatları isə dayandırılıb.

Netanyahu hökuməti Trampın qəzəbindən qorxaraq Ağ Evi açıq şəkildə tənqid etməkdən hələlik çəkinir. Lakin İsrail siyasətçilərinin şəxsi söhbətlərində məyusluq özünü göstərir. Onlar Vaşinqton və Tehran razılaşmasını "İsrail üçün dəhşətli hal" adlandırırlar.

ABŞ bəyan edir ki, atəşkəs rejiminin qüvvədə olduğu növbəti 60 gün ərzində bütün şərtlər üzrə danışıqlar aparılacaq və bu müzakirələr Birləşmiş Ştatlar və İsrailin xüsusən İranın nüvə proqramı ilə bağlı narahatlıqlarını aradan qaldıracaq.

İsrail isə əmindir ki, atəşkəs rejimi uzadılacaq və SAXAL (İsrail Müdafiə Qüvvələri - IDF) Livana zərbələr endirə bilməyəcək.

Telegramda izləyin