Bu şəxslərdən sürücülük vəsiqəsi tələb olunmayacaq - Qanun nə deyir? - VİDEO

Azərbaycanda bəzi şəxslərdən sürücülük vəsiqəsi tələb olunmayacaq.

Oxu.Az-ın "Qanun nə deyir?" rubrikasının bugünkü mövzusu avtonom nəqliyyat vasitəsinə nəzarət edən şəxslərdən sürücülük vəsiqəsinin tələb olunmaması ilə bağlıdır.

Qanunvericiliyə "avtonom nəqliyyat vasitəsi" anlayışı daxil edilir. Sözügedən məsələ Milli Məclisdə müzakirəyə çıxarılıb.

Layihədə qeyd olunur ki, "avtonom nəqliyyat vasitəsi" insan müdaxiləsi olmadan və ya minimal müdaxilə ilə ətraf mühiti müəyyən edə və təhlükəsiz şəkildə hərəkət edə bilən nəqliyyat vasitələridir.

Həmçinin avtonom nəqliyyat vasitəsinin avtomatlaşdırılmış idarəetmə sisteminin fəaliyyətinə nəzarət etmək üçün sürücülük vəsiqəsi tələb olunmayacaq

Bundan başqa, bildirilir ki, avtonom nəqliyyat vasitəsinin texniki parametrləri imkan verdiyi halda onun bilavasitə idarə edilməsi zamanı həmin nəqliyyat vasitəsini idarə edən şəxsin müvafiq kateqoriyalı sürücülük vəsiqəsi olmalıdır.

Telegramda izləyin