"Tarixin izi ilə: yaddaşımız gələcəyimizdir" V gənclər düşərgəsi başa çatıb

Gənclər və İdman Nazirliyi, "Regional İnkişaf" İctimai Birliyi, Qərbi Azərbaycan İcması, "ASAN Könüllüləri" Təşkilatı və Bakı Dövlət Universitetinin birgə təşkilatçılığı ilə Göygöl rayonunda keçirilən "Tarixin izi ilə: yaddaşımız gələcəyimizdir" V gənclər düşərgəsi başa çatıb.

Düşərgə çərçivəsində "Kommunikasiya və ictimai çıxış", "İnnovasiya və süni intellekt", "Qərbi Azərbaycan - Qayıdış Konsepsiyasının müddəaları" mövzusunda təlimlər keçirilib, "Ərazi üzrə xəzinə" intellektual oyunu və film nümayişi keçirilib.

Düşərgənin bağlanış mərasimində bütün iştirakçılar sertifikatlarla təltif olunub.

Qeyd edək ki, düşərgənin əsas məqsədi ölkəmizin müasir tarixinin aktual mövzuları və Qərbi Azərbaycan həqiqətləri ilə bağlı gənclərin daha geniş məlumatlandırılması, onların proqram əsaslı fəaliyyətə cəlb olunması, Azərbaycan həqiqətlərinin yerli və beynəlxalq ictimaiyyət arasında sistemli şəkildə təbliğində gənclərin fəallığının təşviq edilməsi olub.

Telegramda izləyin