İlqar Xəyal: "Bacımın toyunda oxumağa qoymadı" - VİDEO

Müğənni İlqar Xəyal maraqlı etirafı ilə diqqət çəkib.

Milli.Az-ın məlumatına görə, "İncə səhər" verilişində sənətçi bildirib ki, 1980-ci illərdə fəaliyyət göstərdiyi dövrdə qrup üzvləri müəyyən qaydalarla işləyirdilər və onlara toy məclislərində çıxış etmək qadağan olunmuşdu.

İlqar Xəyalın sözlərinə görə, həmin illərdə maddi çətinliklər yaşasalar da, qrupun rəhbərliyi və prodüseri onların toy məclislərində oxumasına icazə verməyib. O qeyd edib ki, hətta bacısının toyunda səhnəyə çıxmaq istəyəndə belə buna icazə verilməyib.

Müğənni bildirib ki, o dövrdə qrup üzvləri əsasən müxtəlif bölgələrdə təşkil olunan konsert proqramları vasitəsilə qazanc əldə edirdilər. Onun sözlərinə görə, musiqiçilərin restoranlarda işləməsinə də məhdudiyyət qoyulmuşdu.

Sənətçi əlavə edib ki, sonradan konsert fəaliyyətinin daha geniş imkanlar yaratdığı məlum olub və qrup üzvləri əsas diqqəti bu istiqamətə yönəldiblər.

İlqar Xəyalın həmin dövrlə bağlı xatirələri sosial şəbəkələrdə maraqla qarşılanıb və müzakirələrə səbəb olub.

Telegramda izləyin