"Uşaqlara sosial şəbəkələrdə qeydiyyatına məhdudiyyət qoyulması onların zərərli informasiyalardan qorumağa kömək edecek" - DEPUTAT

"16 yaşa qədər uşaqlara sosial şəbəkələrdə qeydiyyatına məhdudiyyət qoyulması zamanın da qanunda zamanından edilən dəyişiklikdir".

Bunu Sonxeber.az-a danışan deputat Aydın Mirzəzadə bildirib.

Deputat qeyd edib ki, bu dəyişiklik vasitəsilə uşaqları biz zərərli informasiyalardan qoruya bilərik:

"Biz bu yolla 16 yaşına qədər olan uşaqları sosial şəbəkələrin mənfi təsirlərindən qoruya, onların fiziki və psixoloji sağlamlığının müdafiəsini gücləndirə bilərik. Çunki internet mühitində yayılan zorakılıq məzmunu, kiberbullinq, müxtəlif manipulyativ çağırışlar, cinsi istismar riskləri və hətta intihara sövq edən təsirlər azyaşlılar üçün ciddi təhlükələr yaradır.
Ona görə də 16 yaşa qədər uşaqlara sosial şəbəkələrdən istifadəyə məhdudiyyət qoyulması doğru qərardır. Çünki uşaqların sosial media platformalarından istifadəsini müəyyən yaşa qədər təxirə salmaqla onların daha təhlükəsiz rəqəmsal mühitdə böyüməsinə şərait yaratmış oluruq. Əsas məqsəd müdafiə mexanizmini gücləndirmək, valideynlərin və ailə institutunun rolunu artırmaqdır. Ən önəmlisi isə isə uşaqlar boş zamanlarını səmərəli və sağlam keçirə biləcəklər".

Deputat vurğulayıb ki, sosial şəbəkələrdə yaş məhdudiyyəti ilə bağlı qanunvericiliyə təklif olunan dəyişiklikləri hüquqi və sosial baxımdan qiymətləndirmək olar:

"Burada əsas məqsəd 16 yaşına qədər olan uşaqların rəqəmsal mühitdə daha təhlükəsiz şəkildə iştirakını təmin etməkdir. Bu dəyişikliklər sosial şəbəkələrdən istifadəyə qadağa qoymaq məqsədi daşımır. Sosial şəbəkələrdən istifadəyə yaş məhdudiyyət tək bizdə deyil. Artıq bir çox aparıcı ölkələrdə sosial şəbəkələrdə yaş məhdudiyyətləri qüvvəyə minib. Azərbaycanda da nəzərdə tutulan dəyişikliklər həmin beynəlxalq təcrübəyə uyğun şəkildə hazırlanır".

Telegramda izləyin