Azərbaycanda pensiya yaşı yeniden artırılması gözlənilirmi? - AÇIQLAMA

Azərbaycanda pensiya yaşının artırılması mərhələli şəkildə həyata keçirilib və hazırda bu proses başa çatıb. Kişilər üçün yaş həddi 65 olaraq müəyyən edilmişdir. Qadınların pensiya yaşı isə 2017-ci ildən mərhələli şəkildə hər il 6 ay artırılaraq 1 iyul 2026-cı il tarixindən 65 yaşa çatdırılmış və kişilərlə bərabərləşdirilmişdir.Hazırda kişilər və qadınlar üçün vahid pensiya yaşı 65-dir. Əlbəttə ki, pensiya almaq üçün təkcə yaş həddinə çatmaq kifayət etmir. Qanunvericiliyə əsasən, şəxsin fərdi hesabında kifayət qədər pensiya kapitalı olmalı və ya ən azı 25 il sığorta stajı olmalıdır. Bu gün pensiya yaşı ilə məsələyə hər kəsdə eyni deyil. Belə ki, bir qurup şəxs pensiya yaşının endirilməsini, digər qism isə qaldırılmasını istəyir. Azərbaycanda pensiya yaşının artırılması gözlənilirmi?

Bunu Sonxeber.az-a danışan deputat Azər Badamov bildirib ki, pensiya yaşının 65 yaşdan da yuxarı qaldırılması ilə bağlı məsələ müzakirə edilmir:

"Düzdür, son illərdə pensiya yaşının artırılması və ya azaldılması ilə barədə müxtəlif müzakirələr aparılsa da, qanunvericilikdə bu istiqamətdə yeni dəyişiklik qəbul edilməyib. Hazırda hər cins üçün vahid pensiya yaşı 65-dir. Bilirsiniz ki, bu məsələyə yanaşma hər kəsdə eyni deyil. Bəziləri düşünür ki, pensiya yaşının artırılması Dövlət Pensiya Fondunun maliyyə dayanıqlılığı güclənir. Çünki insanlar daha uzun müddət işləyərək sosial sığorta haqqı ödəyirlər. İş təcrübəsi və peşəkar biliklər əmək bazarında daha uzun müddət saxlanılır. Orta ömür uzunluğunun artması fonunda pensiya sisteminin davamlılığı təmin olunur. Ən önəmlisi isə pensiyaya daha gec çıxan şəxslərin pensiya kapitalı artdığı üçün bəzi hallarda daha yüksək pensiya almaq imkanı yaranır. Amma bir qrup şəxs isə pensiya yaşının endirilməsini istəyir. Çünki ağır fiziki əmək tələb edən peşələrdə çalışanlar üçün 65 yaşa qədər işləmək çətindir. Yaşlı işçilərin əmək bazarında qalması gənclərin işə qəbul imkanlarını müəyyən qədər məhdudlaşdıra bilər. Səhhətində problem olan şəxslər pensiya yaşına çatana qədər işləməkdə çətinlik çəkirlər. Ona görə də bu məsələyə yanaşma hər kəsdə eyni deyil.

Azərbaycanda pensiya yaşı ilə bağlı mərhələli artım prosesi artıq tamamlanıb və 2026-cı il iyulun 1-dən etibarən həm kişilər, həm də qadınlar üçün pensiya yaşı 65 yaşdır. Hazırda pensiya yaşının artırılması və ya endirilməsi ilə bağlı məsələ müzakirə edilmir".

Telegramda izləyin