Deniz Baysal boşanır

Türkiyənin tanınmış aktrisası Deniz Baysal bu dəfə rol aldığı layihə ilə deyil, şəxsi həyatı ilə gündəmə gəlib.

Sonxeber.az xarici mediaya istinadla xəbər verir ki, 2019-cu ildə "Kolpa" qrupunun solisti Barış Yurtçu ilə ailə quran aktrisa həyat yoldaşına qarşı boşanma iddiası qaldırıb. Bildirilir ki, Baysal ərizəsində əsas səbəb kimi fikir ayrılıqları və qarşılıqlı laqeydliyi göstərib.

Məlumata əsasən, əvvəlcə tərəflərin qarşılıqlı razılıq əsasında boşanacağı gözlənilsə də, razılıq əldə olunmadığından iş çəkişməli boşanma prosesinə çevrilib.

Qeyd edək ki, bu xəbərdən sonra məşhur cütlüyün münasibətləri yenidən Türkiyə maqazin gündəminin əsas mövzularından birinə çevrilib. Hələlik Deniz Baysal və Barış Yurtçu məsələ ilə bağlı rəsmi açıqlama verməyiblər.

Telegramda izləyin