Şikayətlərdən sonra Nigarın şirkəti fəaliyyətini dayandırdı

Xəbər verdiyimiz kimi, bir qrup vətəndaş "Aid-Group" xaricdə təhsil şirkəti və onun rəhbəri Nigar Fərhaddan şikayətçidir.

Axşam.az-ın məlumatına görə, şirkətin sosial şəbəkə hesabında məsələ ilə bağlı paylaşım edilib. Bildirilib ki, şirkət müvəqqəti olaraq fəaliyyətini dayandırıb.

"Şirkətimiz fəaliyyətinə müvəqqəti ara verib. Fəaliyyətimiz həftə ərzində bərpa olunduqdan sonra bu barədə məlumat verəcəyik" deyə, paylaşımda yazılıb.

Şirkətlə bağlı məlumatların şərh bölümündə isə Nigar Fərhadın saxlanılması haqda rəylər yazılıb. Bildirilib o, müştərilərin şikayəti əsasında saxlanılıb.

Qeyd edək ki, Nigar Fərhad "Kanal S"də "Sözün bitdiyi an" verilişinin aparıcısı kimi tanınıb.

Telegramda izləyin