Azərbaycanda üzüm istehsalına dair vəziyyət açıqlanıb

2025-ci ildə Azərbaycanda 14,9 min hektar ərazidə üzüm əkilib.

Sonxeber.az xəbər verir ki, bu barədə Kənd Təsərrüfatı Nazirliyinin Şamaxı və Ağsu rayonlarına təşkil etdiyi media-turda məlumat verilib.

Bildirilib ki, ötən il üzüm bağlarında hər hektar üzrə məhsuldarlıq 8,6 % artaraq 106,6 sentner, ölkə üzrə üzüm istehsalı isə 0,5 % artaraq 210,9 min ton təşkil edib. Bu dövrdə intensiv və superintensiv üzüm bağlarının sahəsi 15,7 % artaraq 1,5 min hektar olub və cəmi üzüm bağlarının 9,9 %-ni təşkil edib. 2021-2025-ci illərdə 1 milyon 136,5 hektar yeni üzüm bağı salınıb. Ötən il salınmış yeni üzüm bağlarının 11,1%-i intensiv və superintensiv bağlar olub.

2025-2026-cı təsərrüfat ilində salınmış, müəyyən edilmiş meyarlara və subsidiya tələblərinə cavab verən üzüm bağlarının hər hektarına 8 000 - 16 500 manat subsidiya ödənilib.

Telegramda izləyin