İnfarkt qəfil baş verməyə bilər: Kardioloq ilkin siqnalları sadaladı

Rusiyalı kardioloq Anastasiya Slizova bildirib ki, miokard infarktı nadir hallarda tamamilə qəflətən inkişaf edir.

Oxu.Az Lenta.ru-ya istinadən xəbər verir ki, həkim yaxınlaşan infarktdan bir neçə gün əvvəl ortaya çıxan narahatedici siqnallar barədə danışıb.

Kardioloq yaxınlaşan infarktın əlamətlərindən biri kimi vərdiş edilmiş fiziki yüklənmələrə dözümlülüyün qəfil azalmasını göstərib:

"Əgər insan əvvəllər bir neçə kilometri rahatlıqla qət edirdisə, lakin birdən kiçik bir gəzintidən sonra belə təngnəfəslik, zəiflik və ya sinədə narahatlıq hiss etməyə başlayıbsa, bu, müayinədən keçmək üçün əsasdır.

İnfarktdan bir neçə gün əvvəl qeyri-adi yorğunluq, əzginlik hissi və iş qabiliyyətinin azalması yarana bilər. Belə simptomlara, xüsusilə, qadınlarda və yaşlı insanlarda tez-tez rast gəlinir".

O əlavə edib ki, aydın səbəb olmadan yaranan təngnəfəslik tutmaları, tezləşmiş ürəkdöyünmə, ürəyin fəaliyyətində fasilələr, soyuq, yapışqan tər, qəfil zəiflik və ya başgicəllənmə də mövcud problemlərdən xəbər verə bilər.

Telegramda izləyin