Nərgiz Paşayeva: "Taleyimə təşəkkür etmək istərdim ki..." - FOTO
Oksford və Nyu-York universitetlərinin professoru Robert Hoyland və AMEA-nın müxbir üzvü, professor Nərgiz Paşayeva "Azərbaycan Respublikasının Nizami Gəncəvi adına Qızıl medalı" ilə təltif olunublar.
AMEA-nın prezidenti Akif Əlizadə "Nizami Gəncəvi adına Qızıl medalı" professor Nərgiz Paşayevaya təqdim etdi. Təqdimatdan sonra AMEA-nın müxbir üzvü, professor Nərgiz Paşayeva çıxış edərək bu mükafata layiq görüldüyünə görə həmkarlarına təşəkkürünü bildirib.
"Söhbət elmdən gedirsə, biz nə deyə bilərik? Elmi boşluq təkcə elmi boşluq deyil. Müasir dünyada elmi boşluq yüksək tribunalardan, möhtərəm müstəvilərdən məhrum olmaq deməkdir. Bu baxımdan, aydındır ki, bizim seçimimiz – Oksford universiteti – tam doğrudur. 2013-cü ildə 800 illik tarixə malik olan Oksford Universitetində dahi Nizaminin adını daşıyan Azərbaycan və Qafqazşünaslıq Mərkəzi yaradılıb".
Professor Nərgiz Paşayeva Oksford Universitetində yaradılan Azərbaycan və Qafqazşünaslıq Elmi Mərkəzinə Nizami Gəncəvinin adının verilməsini böyük hadisə kimi qiymətləndirib: "Bu adın verilməsi özü müəyyən mənada böyük qələbəyə işarədir. Bu yüksək adla mərkəz 2013-cü ildə yaradıldı, amma bu ad həmişəlik və əbədi olaraq Oksford Universitetində qalmalıdır".
N.Paşayeva taleyinə təşəkkür edib ki, onu 3 universitetlə bağlayır. "Bakı Dövlət Universiteti – Azərbaycanın qürur mənbəyi, Azərbaycanın təfəkkürlər quyusudur. Daha sonra Lomonosov adına Moskva Dövlət Universiteti – keçmiş sovet və postsovet məkanında ən nüfuzlu universitetdir. Nəhayət, Oksford Universiteti. Yəqin ki, hər hansı bir qüvvə məni bu 3 universitetlə bağladıqda mənim üzərimə böyük məsuliyyət də qoyub".
Qeyd edək ki, ötən gün AMEA-nın həqiqi və müxbir üzvü seçiliblər. Onların arasında N.Paşayeva da var
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş