Təcili! Ermənilərlə bağlı ŞOK DETAL - Sən demə Şuşada...
Bu gün yerli mətbuatda Ermənistanın Şuşada aeroport açması barədə xəbərlər yayılıb.
Məlumatda deyilir ki, "Yell Extreme Park" layihəsi Dağlıq Qarabağ ərazisində iki yerlik təyyarələrdə turist uçuşlarına başlayıb. Bu barədə "Yell Extreme Park"ın rəhbəri Tiqran Çibuxçyan bildirib. İlk uçuşlar keçən həftədən Xankəndi və Şuşa arasında təşkil edilir. 20-25 dəqiqə çəkənk uçuşlar üçün şirkət 35 min dram, yəni 72,4 dollar tələb edir. Tiqran Çibuxçyan layihəyə 35 min dollar vəsait yatırıldığını bildirir.
Məsələyə münasibət bildirən hərbi ekspert Üzeyir Cəfərov yayılan məlumatların həqiqətə uyğun olmadığını bildirib:
"Artıq neçənci dəfədir ki, bizim mətbuat düşmənin dezinformasiyasını həqiqət kimi qəbul edib, bir qədər cəmiyyətdə çaşqınlıq yaradır. Axı, biz gözəl bilirik ki, ermənilər Şuşada bu günə kimi aeroport açmaq üçün heç cəhd də etməyiblər və edə də bilməzdilər. Onların istifadə etdikləri təkmotorlu o balaca təyyarələri onlar onsuz da nəzarətsiz ərazilərdə adi asfalt yolardan, ya düzənliklərdən istifadə etməklə havaya dəfələrlə qaldırıblar. Özü də, özlərini reklam etmək üçün, hansısa qondarma qurumu təqdim etməkdən ötəri onlar vaxtaşırı videogörüntülər də çəkərək sosial mediada yerləşdirilər. Ancaq, aeroport anlayışı tamam başqa məna daşıyır. Hesab edirəm ki, onlar o qədər ağıllarını itirməyiblər ki, Şuşa kimi bir şəhərdə bu cür avantyüraya qol qoysunlar. Biz, bir qrup jurnalistlər bir müddət bundan öncə ATƏT xətti ilə İrəvana və Şuşaya, Laçına və digər ərazilərə səfərə gedəndə də, söhbətlərimiz zamanı həm yerli ermənilərdən, həm də bir vaxtlar Azərbaycandan köçüb gedənlərdən o fikri eşidirdik ki, onlar tam əmindirlər ki, gec-tez azərbaycanlılar bu yerlərə qayıdacaqlar və öz ərazilərinə sahib olacaqlar. Ona görə də, sosial medianın verdiyi imkanlardan istifadə edib, geninə-boluna hər xəbərə sərt reaksiya verən dostlarımızdan yeganə xahişim budur ki, bir qədər emosiyalarımıza sahib çıxaq. Erməni tərəfinin şişirdilmiş xəbərlərinə dərhal inanmayaq. Sözsüz ki, bu ermənilərin çoxdankı arzularıdır ki, bizim ruhumuzu qırsınlar, bizi bədbin kökə salsınlar. Və bu cür qeyri-ciddi xəbərləri ilə onlar bəzən öz çirkin niyyətlərinə qismən də olsa çatmış olurlar. Şuşada ermənilərin heç bir aeroportu olmayıb və yoxdur. Heç bundan sonra ola da bilməz. Əksini sübut edən varsa, buyursun".
Ekspert bildirib ki, düşmənlərimiz son vaxtlar öz havadarlarının aktiv köməkliyi sayəsində çox güclü informasiya müharibəsinə başlıyıblar. Ona görə də bu məsələdə diqqətli olmaq lazımdır.
Mənbə: A24.az
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş