Hitler müharibədən sonra sağ qalıb

ABŞ-ın Mərkəzi Kəşfiyyat İdarəsi öz saytında Adolf Hitlerlə bağlı qəribə məlumat yayıb.

"29 sentyabr 1955-ci ildə agent CIMELODY-3 ilə etibarlı münasibətlərə malik tanışı əlaqə yaradıb. O, Avropada işləyir və Makarayboda yaşayırdı. Agent CIMELODY-3-ün informatorunun sözlərinə görə, 1955-ci ilin sentyabrında keçmiş hərbi xidmətçi, SS üzvü olan Fillip Sitroen ona gizli şəkildə bildirib ki, Hitler sağdır. Sitroen bununla bağlı qeyd edib ki, İkinci Dünya Müharibəsindən 10 il keçdiyindən müttəfiqlər Hitleri mühakimə edə və hərbi cinayətkar kimi izləyə bilməzlər", - deyə həmin hadisədən bir neçə gün sonra - 3 oktyabr 1955-ci ildə ABŞ-ın Karakasdakı kəşfiyyat xidmətinin rəhbərinə göndərilən məktubda yazılır.

"Mənbə bu məlumatı əsas rəhbərliyə göndərməyi zəruri hesab edib, bu, təqdirəlayiqdir. Hətta o vaxt bu uşaqlar məlumat axınından əsas və dəyərliləri seçmək üçün çox çalışırdılar", - deyə "The National Interest"ə ABŞ Müdafiə Nazirliyindən olan və adı açıqlanmayan mənbə bəyan edib.

Qeyd olunur ki, həmin insan Hitler ola bilərdi.

"28 sentyabr 1955-ci ildə agent CIMELODY-3-ün informatioru diqqəti öz üzərinə çəkmədən bir şəkil əldə edib. 29 sentyabr 1955-ci ildə həmin şəkil agent CIMELODY-3-ə göstərilir, səbəb isə bu fantastik hekayənin mümkün həqiqətə uyğunluğunu sübut etmək olub", - deyə sənəddə bildirlir.

Həmçinin gizlilikdən çıxarılan sənəddə 1954-cü ildə Kolumbiyanın Tunqa şəhərində Adolf Şrtitelmayorun təsvir edildiyi və digər insanla birgə əyləşdiyi şəkil də yer alıb. Sənəddə qeyd olunur ki, sol tərəfdə əyləşən insan böyük ehtimalla Sitroendir. Sağda əyləşən şəxs isə, Sitroenin qənaətinə görə, Hitlerdir.

Məqalənin müəllifi qeyd edir ki, şəkildəki şəxs 1945-ci il aprel ayının 30-da rusların əsirliyinə düşməmək üçün Berlindəki bunkerində həyatını intiharla bitirməsi iddia olunan nasist lideridir.

İkinci Dünya Müharibəsindən sonra uzun illər ərzində nasist Almaniyasının komandanlığının gizli şəkildə Cənubi Amerikaya qaçmaları ilə bağlı konspirologiyalar yayılsa da, deyəsən, nəhayət ki, həqiqət Günəşi öz şüalarını bu mövzunun üzərinə də yönəltdi. /ordu.az/

Telegramda izləyin