Azərbaycanda benzinin qiyməti ucuzlaşacaq?
"Azərbaycanda yanacağın qiyməti dövlət tərəfindən tənzimlənir. Bu baxımdan dünyadakı qiymətlərin ölkəmizin daxili bazarına aiddiyyatı olmur".
Bu sözləri Sonxeber.az-a açıqlamasında Neft Araşdırmaları Mərkəzinin rəhbəri İlham Şaban deyib.
Onun sözlərinə görə, ölkənin daxilində müəyyən iqtisadi vəziyyət dəyişəndə dövlət tərəfindən yanacağın qiyməti ilə bağlı müzakirə aparılır. Müstəqillik dövrü ərzində ölkəmizdə yanacağın qiyməti ucuzlaşmayıb. Lakin, bazar iqtisaiyyatına keçid olsa qonşu dövlətlərdəki iqtisadi dəyişikliklərin Azərbaycana da müəyyən təsiri ola bilərdi:
"Yanacaq bazarı dövlət tərəfindən tənzimlənən məsələdir. Dövlət Statistika Komitəsinin rəsmi məlumatına əsasən, yanacaq bazarı 2,5 milyard manatlıq dövriyyəsi olan bazardır. Bütün qeyri-neft sektoru 1,5 milyard gücündə eksporta malikdirsə, neftin 2014-cü ildə dünya bazarında ucuzlaşdığı eləcə də, ölkənin gəlirlərinin azaldığı bir vaxtda hökumət gəliri haradan əldə edə bilər? Bu baxımdan avtomobillərin aksiz vergisi və yanacağın qiyməti artırıldı. 2013-cü ildə yanacağın qiyməti 30% bahalaşdıqdan sonra, və ötən ilin iyul ayında da qiymət artımı baş verdikdən ölkəyə sonra avtomobil idxalı kəskin azalmağa başaldı. Əvvəllər 100 min avtomobil idxal olunurdusa, ötən il bu rəqəm 10 minə düşdü. Bu isə aksiz vergisinin təqbiqi ilə bağlıdır. 2 milyon ton yanacaq istifadə edirik. Sərfiyyatımız qənaətcil deyil".
Ekpert əlavə edib ki, Gürcüstanda benzin Azərbaycandan 60% bahadır. Türkiyədə isə xam neftin qiyməti 70 TL-dən 63 TL-ə qədər ucuzlaşdığından orada benzinin qiymətində enmə baş verib. Bizdə isə xam neft 10 dollara alınır və eyni qiymətə də satılır. Bu baxımdan ölkədə benzin və dizelin ucuzlaşması gözlənilmir.
Qeyd edək ki, Türkiyədə benzin və dizelin qiyməti enib. Sabahdan etibarən benzinin qiyməti 11, dizelin qiyməti isə 17 kuruş (100 kuruş 1 TL) aşağı düşəcək.
Aysel Kərimova
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş