Ölümlə bitən eşq - Astori üçün karyerasını bitirmişdi...

"Fiorentina"nın kapitanı Davide Astorinin ölümündən sonra yaxınlarının kədərli açıqlamaları ilə tanış oluruq.

Sonxeber.az goal.az-a istinadən xəbər verir ki, əyat yoldaşı Françeska və uşağının yaşadıqlarını isə sözlərlə ifadə etmək çətin olar.

Davide ilə Françeska 2013-cü ildə dostlarının təşkil etdiyi partidə tanış olurlar. Bu tanışlıqdan sonra bir dəfə ayrıldılar - Astorinin otel otağındakı ölümü ilə...

Françeska model və dizayner idi. Davidlə tanışlığı karyerasının yüksəldiyi dönəmə təsadüf etsə də, onun üçün arzularından imtina etmişdi...

Vyetnama gedərkən bir-birinə aşiq olsalar da, münasibətləri bir müddət sonra başlayır.

Dünyanı birlikdə gəzməyə başlayan cütlük Hindistana, Meksikaya, Yaponiyaya, Nepala, Almaniyaya səfər edirlər. Getməyi planladıqları yerlər isə hələ çox idi.

Tanışlıqlarının üçüncü ilində qızları Viktoriyanın doğulmasına sevinirlər. Hər ikisi qızlarına düşkün idilər. Səyahətləri 3 nəfər olaraq davam edirdi.

Təəssüf ki, xoşbəxt cütlüyün qapısını ötən həftə ölüm döydü. Heç ayrılmayacaq kimi görünən cütlüyü ölüm ayırdı... Françeska qızı ilə tək qaldı.

Kapitanı olduğu klub Astorinin ailəsinə sahib çıxdı. Futbolçu ilə ömürlük imzalanan müqavilə ilə ona verilən əməkhaqqı xanımı və uşağına ödəniləcək.

Telegramda izləyin

instagramda izləyin