Bakı məktəbindəki dava ilə bağlı rəsmi açıqlama

Ötən gün günorta saatlarında Etibar Cəlilov adına 272 saylı tam orta məktəbdə iki məktəbli arasında baş vermiş dava ilə bağlı məktəb məlumat yayıb.

272 nömrəli tam orta məktəbdən Sonxeber.az-a verilən məlumatda qeyd olunur ki, martın 27-də məktəbdən kənarda şagirdlər arasında mübahisə yaranıb. Tənnəffüs zamanı küçədə məktəbin 1 nəfər XI sinif şagirdi ilə 1 nəfər X sinif şagirdi (müvafiq səbəblərə görə şagirdlərin adı qeyd olunmur) arasındakı mübahisə nəticəsində onları aralamaq istəyərkən başqa bir XI sinif şagirdi üz və boyun nahiyəsindən xəsarət alıb. Hazırda həmin şagird xəstəxanadadır. Şagirdin sağlamlığı ilə bağlı ciddi problemin olmadığı bildirilir.
Məlumatda qeyd edilib ki, hüquq-mühafizə orqanları tərəfindən işlə bağlı araşdırma aparılır. Xəsarət yetirən şagird davamiyyəti zəif, məktəbdaxili nizam–intizam qaydalarına əməl etməyən şagirddir. Xəsarətə uğrayan şagird isə orta tədris göstəricilərinə malik və məktəbdaxili nizam–intizam qaydalarına əməl edən şagirdlərdəndir. Hadisədən sonra məktəb rəhbərliyi valideynlərlə müvafiq söhbət aparıb və onlara zəruri tövsiyələr verilib.

Bakı şəhəri Təhsil İdarəsindən isə Sonxeber.az-a bildirilib ki, 272 nömrəli tam orta məktəbin iki şagirdi arasında baş vermiş insidentlə bağlı Bakı Şəhəri üzrə Təhsil İdarəsi tərəfindən müvafiq araşdırma aparılır.

Qeyd edək ki, hadisə ötən gün günorta saatlarında Etibar Cəlilov adına 272 saylı tam orta məktəbdə iki məktəbli arasında əlbəyaxa dava düşüb. Dava zamanı 2005-ci il təvəllüdlü Məmmədov Əli Gündüz oğlu üz nahiyəsindən bıçaqlanıb.
Nizami Rayon Polis İdarəsindən verilən məlumata görə, hadisəni törədən şəxs saxlanılıb.

Aysel Kərimova

Telegramda izləyin