Həbsxanının önündə həyat yoldaşının azadlığa çıxmasını gözləyən qadının rəqsi gündəm olub - VİDEO

Marmara Həbsxanası bu dəfə tanınmış məhbusları ilə deyil, həbsdən çıxmasını gözlədiyi həyat yoldaşı üçün rəqs edən bir qadının videosu ilə gündəmə gəlib.

Sonxeber.az türk mediasına istinadən xəbər verir ki, Silivridə yerləşən həbsxananın qarşısında çəkilən görüntülərdə gənc qadın Ragga Oktayın "Yeniden" mahnısına qoşularaq rəqs edir.

Həyat yoldaşının azadlığa buraxılmasını gözləyən qadın bu davranışı ilə yaşadığı həyəcanı və gərginliyi rəqs vasitəsilə ifadə edib. Video qısa zamanda sosial şəbəkələrdə sürətlə yayılıb və izləyicilər arasında fərqli reaksiyalar doğurub. Bəzi istifadəçilər qadına dəstək verərək onun stresini bu şəkildə atdığını bildiriblər, digərləri isə görüntüləri tənqid ediblər.

Paylaşımın altına yazılan şərhlər müxtəlif olub. Bəzi istifadəçilər "İnsanlar artıq həddini aşır. Axşam gedib bayramını, şounu etsin" deyə münasibət bildiriblər. Digərləri isə "Əvvəllər insanlar hansı səbəbdən olursa-olsun həbsxanaya düşməkdən danışmazdı belə. Gəlinən vəziyyətə baxın" kimi fikirlər səsləndiriblər. Daha sərt tənqidlərdə isə "Allah bağışlasın, çünki ərinin bağışlamayacağı ehtimalı var" və "Bu videonu həyat yoldaşı izlədikdən sonra yenidən ora qayıtması üçünmü çəkib?" kimi ifadələr yer alıb.

Sözügedən görüntülər Marmara Həbsxanası qarşısında yaşanan qeyri-adi bir an kimi sosial media istifadəçilərinin diqqətini cəlb edib.

Telegramda izləyin