Azərbaycanda qızqaçıranları bu cəza gözləyir - VƏKİL AÇIQLADI

Azərbaycanın bəzi bölgələrində ta qədimdən qız qaçırma ənənəsi mövcuddur. Respublikanın bir sıra bölgələrində elçiliklə qız almaq əvəzinə qaçırma yoluna üstünlük verilir. Belə hallar ya evlənmək istəyən gənclərin ailəsi izdivaca razı olmayanda baş verir, ya da qızın özü oğlana ərə getmək istəməyəndə onu zorla qaçırırlar. Təəssüf ki, bu ənənə indi də qalmaqdadır. Baxmayaraq Azərbaycan qanunvericiliyinə görə, qız qaçırma adam oğurluğu hesab edilir. Ölkəmizin bəzi regionlardakı adət-ənənəyə görə, qızı zorla qaçırılan ailə milli mentaliteti əsas tutub hüquq-mühafizə orqanlarına şikayət etməz. Sadəcə, qızı qaçırılan ata-ana bir neçə gün bu olaya sərt münasibət göstərər, el ağsaqqallarının məsələyə müdaxiləsindən sonra ara sakitləşər. Amma elə bölgələr də var ki, orada qız qaçırılmasına sərt münasibət var və belə hadisə hətta arada düşmənçiliyə, adam öldürülməsinə səbəb ola bilir. Qeyd edək ki, həmin qaçırılan qızlar arasında 18 yaşından aşağı olanlar da var.

Bununla bağlı Sonxeber.az-a açıqlamasında vəkil Elmar Süleymanov qeyd edib ki, adam oğurluğu ilə bağlı Azərbaycanda qanun kifayyət qədər sərtdir. Belə ki, adam oğurluğuna görə Cinayət Məcəlləsinin 144-cü maddəsinə əsasən adamoğurluğu 5 ildən 10 ilə qədər azadlıqdan məhrum etmə ilə cəzalandırılır. Lakin həmin əməl silahdan istifadə edilərək tamah məqsədilə törədilərsə və ya sifarişlə edilibsə 8 ildən 12 ilə qədər azadlıqdan məhrum etmə ilə cəzalandırıla bilər. Əgər sifarişlə bu əməl törədilsə 2.6-cı hisssə ilə cəzalandırılır.

Vəkil onu da qeyd edib ki, yetkinlik yaşına çatmayan insanları qaçıranların həbs müddəti daha çoxdur. Belə onları 10 ildən 15 ilə qədər azadlıqda məhrum etmə cəzası gözləyir. Əslində əgər qız nikah yaşına, yəni 17 yaşına çatmayıbsa və məcburi qaçırılırsa, bu, adam oğurluğuna bərabərdir. Ancaq 18 yaşı tamam olan qız öz istəyi ilə qaçarsa, bu zaman cinayət işi açılmır".

Aysel Yusifqızı

Telegramda izləyin