Üzeyirin Türkiyə fenomenliyi: "Aygün, Röya kimi oxumur" - VİDEO

Müğənni Üzeyir Mehdizadənin Türkiyədə coşqu ilə qarşılanması müzakirələrə səbəb olub. Azərbaycanda tez-tez tənqid olunan və "ara müğənnisi" adlandırlıan müğənninin böyük fanat ordusu tərəfindən əsl ulduz kimi qarşılanması insanları təəccübləndirib.

Sevənlərinin çoxu Özbəkistan, Rusiya və Türkiyədə olan Üzeyirin mahnılraı da hər zaman bir neçə milyon baxış toplayır. O, Azərbaycandan ən çox Özbəkistana toya gedən müğənnidir. Türkiyədə brend sayılan mağazalardan da Üzeyirin mahnılarını eşitmək mümkündür.

Bəs, Azərbaycanda "ara müğənnisi" adlandırılan ifaçının xaricdə bu qədər sevilməsinin səbəbi nədir?

Sonxeber.az xəbər verir ki, Musavat.com məsələ ilə bağlı sorğu keçirib. Müğənni-bəstəkar Murad Arif Üzeyirin uğuruna sevindiyini bildirib: "Bu görüntülərə şərh vermək üçün konsert məkanını, oradakı insanların milliyyətini araşdırmaq lazımdır. Həmvətənimizin ölkə hüdudlarından kənarda uğur qazanması sevindirici haldır. Kimisə qəbul edib-etməmək zövq məsələsidir. Hər kəs sevdiyi müğənninin dəstəkləməkdə azaddır. İllər öncə Xumar Qədimovanın da Türkiyədə möhtəşəm konserti olmuşdu, zal dolmuşdu. İnsanların zövqü müxtəlifdir. Hər kəsin davamçıları var. Üzeyirin, Azərbaycan oğlunun sevilməsi bizim üçün sevindirici haldır. Mən Üzeyirin uğurlarına sevinirəm".

Maqazin yazarı Elvin Elxan isə Üzeyir Mehdizadənin sevilməsini belə şərh edib: ""Röya Ayxan, Aygün Kazımovanın ifa etdiyi üslub onlara yad deyil. Türkiyədə 90 faiz müğənnilər pop janrında ifa edir. Üzeyirin təqdim etdiyi mahnısı, səsi onlar üçün yenidir. Buna görə də Üzeyirə münasibət də orda fərqlidir. Onlar fərqliliyi sevirlər. Adi insanlar belə nə isə fərqli bir şey edəndə Türkiyədə rahat tanınır. Əslində çox sevindim, Üzeyir Azərbaycanda sərt tənqid olunan, lağa qoyulan müğənnilərdən biri və ya birincisi olsa da, heç vaxt qarşı tərəfə kobud və ya söyüşlə cavab verməyib".

Telegramda izləyin

instagramda izləyin