Yol polisindən "Çəkələk"lə avtomobil idarə edənlərə çağırış

Yay mövsümündə avtomobili çəkələklə idarə etmək həyatınız üçün təhlükəlidir. Bunu Sonxeber.az-a Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov deyib. O, sürücülərə çağırış edərək bildirib ki, bu cür addımlar həm sükan arxasındakına, həm də digər nəqliyyat vasitələrinə təhlükə yaradır. V.Əsədov qeyd edib ki, buna baxmayaraq "Yol Hərəkəti haqqında qanun"da bununla bağlı cərimələr nəzərdə tutulmayıb:

"Biz Dövlət Yol polisi olaraq bununla bağlı sadəcə tövsiyyələr verə bilirik. Çünki qanunda bununla bağlı hər hansı bir müddəa yoxdur. Nəzərə alsaq ki, qarşıdan yay mövsümü gəlir, təbii ki, çəkələklə avtomobil idarə edən sürücülərin də olacağı istisnasızdır. Ona görə də sürücülərə çəkələk və buna bənzər diqqəti yayındıran vasitələrdən qaçmağa çağırıram. Unutmayaq ki, hər bir insanın təhlükəsizliyi özündən asılıdır".

E.Murad

Telegramda izləyin

instagramda izləyin