Evi ola-ola ev umanlar (VİDEO)
Evə həqiqətən ehtiyacı olanların yolunu kəsirlər
Çəkilişdən qayıdırdıq. Qaçqın və məcburi köçkünlərin işləri üzrə dövlət komitəsinin binasının qarşısında izdiham nəzərimizdən qaçmadı. Bir az müşahidə edib adamların bura nə üçün toplaşdığını aydınlaşdırmaq istədik. Səbəbi komitənin rəsmisindən soruşduq.
Belə məlum oldu ki, adamlar çoxillik qayğılarının çözümünü tez bir zamanda yeni komitə sədrindən umurlar. Bəzi vətəndaşların sözlərindən belə başa düşülürdü ki, təfərrüatına varmadan, dərhal və müzakirə olunmadan özünün ev və müavinət probleminin həll olunmasını istəyir. Əvvəldən qəbul siyahısı ola-ola səbrsiz vətəndaşlar vardı.
Ürəyi dolu adamlar kameramızı görüb danışmaq istədilər. Biz də şərait yaratdıq.
Əvvəldən qəbula yazılıb, səbr edib növbəsini gözləyib, Komitə sədrinin qəbulundan çıxanlar da vardı.
Bax bu vətəndaşdan müsahibə götürmüşdüm. Sonradan öyrəndim ki… qoy bir az danışsın sonra deyəcəm.
Hə bu vətəndaş evsizlikdən şikayət etdi. Həqiqətən də məskunlaşdığı yer acınacaqlı idi. Amma kadrarxası onu da öyrəndim ki, o artıq bir dəfə ev alıb. Yenidən ailə qurduğuna görə evi ailəsi və 3 uşağına qoyub çıxıb. Gəlib yeni ailəsiylə burada məskunlaşıb ki, təzə ev alsın.
Üzünü də jurnalist etikasına və ailə üzvlərinə hörmətsizlik olmasın deyə təqdim etmirəm. Amma bu yoldaş, bu vətəndaş bilməlidir ki, bu əməllə o və onun kimilər neçə-neçə həqiqətən ev ehtiyacı olan adamların haqqına girirlər.
Qəza vəziyyətində yaşayan məcburi köçkünlərlə bağlı isə ötən həftə verilən rəsmi açıqlamanı bir də xatırladıram. Bu ilin sonuna qədər qəzalı vəziyyətdə yaşayan məcburi köçkünlərin bir hissəsi köçürüləcək.
Xatırladaq ki, indiyədək 52300 ailə, başqa sözlə ifadə etsək 265 min insan dövlət proqramı əsasında məcburi köçkünlər üçün inşa edilmiş yeni qəsəbələrdə məskunlaşıb.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş