"Anamı qan içində görəndən sonra atamı öldürməyə qərar verdim"

"Anamı qan içində görəndən sonra atamı öldürməyə qərar verdim"Məlum olduğu kimi, ötən ilin yayında Kürdəmirin Pirəköcə kəndində atasını ov tüfəngi ilə öldürən 24 yaşlı Azay Qaraşova 1 ay əvvəl 10 il həbs cəzası verildi. Lakin hadisənin dəqiq necə və hansı səbəbdən baş verməsi barədə nə ilkin istintaq, nə də məhkəmə dövründə məlumat yayılmasına imkan verildi. İşə baxan hakimlər belə qənaətə gəlmişdilər ki, məhkəmə baxışı media üçün qapalı keçirilməlidir. Yayılan məlumat isə sadəcə bu oldu: "Azay Qaraşov atasını öldürməkdə təqsirli bilinərək 10 il azadlıqdan məhrum edildi".

"Qafqazinfo" ailə faciəsinin necə baş verdiyi ilə bağlı bəzi detalları əldə edib.

Münaqişəli ailə, narkotik, qisas...

İstintaq materiallarında yazılıb ki, mərhum Azər Qaraşov ailəsi ilə uzun müddət konfliktdə olub. O, mütəmadi olaraq xüsusilə həyat yoldaşına şiddət göstərib, müxtəlif səbəblər gətirərək onu döyüb. Oğlu Azay isə təsdiq edib ki, atası eyni rəftarı özü də daxil olmaqla övladlarına da göstərib.

Ailədaxili gərgin münasibətdən polis də məlumatlı olub. Bu səbəbdən münaqişəli ailə kimi qeydiyyata alınan ailənin başçısı Azər Qaraşovun sonradan ölümünə səbəb olacaq ov tüfəngi rəsmi qaydada əlindən alınıb. Lakin mərhum Qaraşov bir müddət sonra həmin silahı qohumunun adına rəsmiləşdirərək yenidən ələ keçirib.

"Tez özünü çatdır, atamla anam yenə savaşır, anamı öldürür"

Cinayət hadisəsi təxminən saat 17 radələrində baş verib. Hadisədənin baş verməsinə gətirib çıxaran sonuncu səbəb isə mərhum A.Qaraşovun mətbəxdə ev işləri görən arvadı Nurcahan Qaraşovanı səbəbsiz yerə döşəməsilən taxta ilə döyməsi olub. Anasının üzünün qan içində olduğunu görən qızı "Azay, tez özünü çatdır, atamla anam yenə savaşır, anamı öldürür" qışqıraraq qardaşını köməyə çağırıb.

Həmin vaxt otaqda uzanıqlı vəziyyətdə olan Azay tez ayağa qalxaraq mətbəxə qaçıb. Otaqdan çıxarkən dəhlizdə anasını qan içində görən 18 yaşlı Azay atasından qisas almalı olduğunu düşünüb. O, dərhal otağına qayıdıb, atasından təmizləmək üçün aldığı ov tüfəngini götürərək qonaq otağına gedib. Atası otağa daxil olan vaxt Azay tez silahın qoruyucusunu açaraq ona atəş açıb. İlk atəş ata Qaraşovun dirsək nahiyəsindən dəyib, o yaralı halda qaçmaq istəyib.

Amma qərarında qəti olan Azay yerə yıxılmış atasının ölmədiyini görüb ona tərəf daha 3 atəş açıb. Həmin atəşlərdən ikisi zərərçəkmişə, biri isə evin qapısına dəyib. Ağır xəsarət alan Qaraşov arvadının və uşaqlarının yanında vəfat edib.

Anası oğlunun əməlinə ağlayaraq "Azay, sən nə etdin?!" deyə reaksiya versə də, artıq gec olub.

İstintaq zamanı başqa bir məsələ də ortaya çıxıb. Məlum olub ki, mərhum Azər Qaraşov öldürüldüyü gün narkotik vasitənin təsiri altında olub. Bu fakt ekspert rəyi ilə təsdiqini tapıb.

Məhkəmə istintaqı dövründə müttəhim Qaraşov özünü tam təqsirli bildiyini deyib. Oğul Qaraşov etiraf edib ki, həmin gün ilk olaraq atasını qorxutmaq istəyib, lakin ani olaraq atasının əvvəllər onu, anasını və bacısını dəfələrlə döydüyünü, əsasən də anasını daim incitdiyini, həmişə onlara qarşı sərt və qəddar davranışlarını, həyatlarını dözülməz vəziyyətə saldığını, hətta bir neçə dəfə onları ölümlə hədələdiyini və bunun davam edəcəyini ağlına gətirərək qorxutmaq yox, öldürmək qərarına gəlib.

Azayın anası və bacısı da məhkəmədə bənzər şeyləri danışıblar. Onlar da hadisənin baş verməsinə gətirib çıxaran səbəbin mərhumun davranışları ilə bağlı olduğunu deyiblər.

Azər Qaraşovun ittiham olunduğu Cinayət Məcəlləsinin 120.1-ci (qəsdən adam öldürmə) maddəsinin sanksiyasında 9 ildən 14 ilə kimi azadlıqdan məhrumetmə cəzası nəzərdə tutulur. Məhkəmə müttəhimin gənc olmasını, əvvəllər cinayət törətməməsini nəzərə alaraq onu 10 il azadlıqdan məhrumetmə cəzasına məhkum edib.

Qeyd edək ki, qətlə yetirilən Azər Qaraşov Lənkəranın icra başçısı Taleh Qaraşovun qardaşıdır. Azər Qaraşov özü isə Kürdəmirdə müxtəlif vəzifələrdə, son olaraq Kürdəmir Rayon Mədəniyyət İdarəsində çalışıb.

Sail Ağasəlim

Fotoda: Taleh Qaraşov
"Anamı qan içində görəndən sonra atamı öldürməyə qərar verdim"


Sonxeber.az Telegramda izləyin instagramda izləyin
Kriminal   Baxılıb: 1747   Tarix: 02 may 2024  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Ailə üzvlərini öldürməkdə təqsirləndirilən Əhməd Əhmədovdan XƏBƏR VAR

Bu il fevralın 13-də 5 nəfər ailə üzvünü qəsdən öldürməkdə təqsirləndirilən 199-cu il təvəllüdlü Əhməd Əhmədovun barəsində Xətai rayon prokurorluğunda başlanmış cinayət işi üzrə ibtidai istintaq tamamlanıb. xəbər verir ki, bu barədə Baş Prokurorluğun Mətbuat Xidməti məlumat yayıb. Cəmiyyətdə böyük ictima

12 iyun
.

Yeznə bıçağı qaynının sinəsinə sancdı - Maştağada QANLI OLAY

Bakıda kişi qaynını bıçaqlayıb. xəbər verir ki, hadisə paytaxtın Maştağa qəsəbəsində qeydə alınıb. Qəsəbə sakini, 1984-cü il təvəllüdlü İlkin Məmmədov münaqişə zəminində bıçağı qaynı Sərxan Namazovun döş qəfəsinə sancıb. Yaralı xəstəxanaya yerləşdirilib, hadisəni törədən şəxs tutulub. Faktla bağlı cinayə

10 iyun
.

Səttar Möhbalıyevin qardaşının evində törədilmiş qətlin - Təfərrüatı

28 sentyabr 2021-ci il tarixdə Həmkarlar İttifaqları Konfederasiyasının rəhbəri, deputat Səttar Möhbalıyevin qardaşı Faiq Möhbalıyevin evində 60-65 yaşlı kişini qətlə yetirən bağ evinin gözətçisi Ramin Əlixanova hökm oxunub. "Qafqazinfo" xəbər verir ki, Sumqayıt Ağır Cinayətlər Məhkəməsind

5 iyun
.

Şamaxıda yeniyetmə söyüşə görə QAN TÖKDÜ

Şamaxıda bıçaqlanma hadisəsi olub. -ın məlumatına görə, hadisə dünən gecə saat 23 radələrində Şamaxı şəhərində baş verib. Şəhər sakini 16 yaşlı M.Ələkbərov xuliqanlıq zəminində həmyaşıdı K.Piriyevə bıçaqla xəsarət yetirib. Xəstəxanaya yerləşdirilmiş K.Piriyevin vəziyyəti qənaətbəxşdir. Əldə etdiyimi

7 iyun
.

"Tərtər işi"nə görə bu hərbçilərə də hökm oxundu

"Tərtər işi"nə görə mühakimə edilən daha 4 hərbçinin cinayət işi üzrə məhkəmə araşdırması başa çatıb. "Qafqazinfo"nun məlumatına görə, Bakı Hərbi Məhkəməsinin hakimi Zeynal Ağayevin sədrliyi ilə keçirilən sonuncu iclasda hökm oxunub. Hökmə əsasən, Ruslan Mikayılov 6 il 10 ay, Cabi

4 iyun
.

Bacısının azyaşlı qızı ilə dəfələrlə intim münasibətdə oldu - TƏFƏRRÜAT

Şəmkir rayonunda 1986-cı il təvəllüdlü Elmar bacısının yetkinlik yaşına çatmayan qızı Lətifəyə (adlar şərti verilib - red.) təcavüz edib. -un əldə etdiyi məlumata görə, Elmar 2015-ci ildən başlayaraq bacısının azyaşlı qızı Lətifə ilə intim əlaqədə olub. O, ilk dəfə 2015-ci ilin iyul ayının birinci ongünlüyündə

14 iyun
.

İlin ən dəhşətli cinayəti: Əhmədin ifadəsində sensasion faktlar

İlin ən dəhşətli cinayət hadisəsinin ilkin istintaqı tamamlanıb. Söhbət ikisi azyaşlı olmaqla beş ailə üzvünü amansızlıqla öldürməkdə ittiham olunan Əhməd Əhmədovun işindən gedir. Məlum olduğu kimi, ekspert rəyləri ilə Əhməd Əhmədovun hadisəni anlaqsız vəziyyətdə törətdiyi sübut edilib. Rəydə yazılı

13 iyun
.

Azərbaycanda kişi arvadını doğradı

Gəncə Şəhər Baş Polis İdarəsinin 2-ci Polis Şöbəsinə şəhər sakini, 27 yaşlı A. Hüseynovanın kəsici-deşici alətlə çoxsaylı bədən xəsarəti alaraq xəstəxanaya yerləşdirilməsi barədə məlumat daxil olub. Daxili İşlər Nazirliyi mətbuat xidmətinin regional qrupundan -a verilən məlumata görə, polis öməkdaşlarını

10 iyun
.

Qətlə yetirilən FHN əməkdaşının FOTOSU

Gəncə şəhərində FHN-nin əməkdaşları arasında baş verən silahlı insidentlə bağlı bəzi təfərrüat məlum olub. "Qafqazinfo" xəbər verir ki, 1994-cü il təvəllüdlü Zahid Sarıyev aralarında yaranmış mübahisə zamanı iş yoldaşı 1998-ci il təvəllüdlü Mehrac Əsədova odlu silahdan atəş açaraq öldürməkd

10 iyun