"Zorakılığa məruz qalan 5 yaşlı uşaqla bağlı ARAŞDIRMALARA BAŞLAMIŞAM" - AÇIQLAMA

"Valideynləri tərəfindən zorakılığa və işgəncəyə məruz qalan 5 yaşlı uşaqla bağlı araşdırmalara başlamışam".

Bunu BiG.AZ-a açıqlama verən Azərbaycan Uşaqlar Birliyinin sədri Kəmalə Ağazadə deyib.
O, vurğulayıb ki, zorakılığa məruz qalmış uşağın şəkli ona instagram sosial şəbəkəsi vasitəsi göndərilib: Hazırda həmin rayona gedirəm: "Bir neçə saatdan sonra orada olacam. İlk öncə icra hakimiyyətinin qəyumluq komissiyası ilə, daha sonra rayon polis idarəsinin müvafiq səlahiyyətli şəxsi və valideynləri ilə görüşəcəm.

Azərbaycan Uşaqlar Birliyinin sədri deyib ki, fotodakı şəkil həqiqidir: "Uşaq öz valideyni tərəfindən zorakılığa məruz qalıb. Onun beş yaşı var. Səbəbi nə olursa olsun, uşağa qarşı şiddətə görə hər bir valideyn cəzalandırılmalıdır. Rayonun adını açıqlaya bilmərəm. Araşdırmalar bitəndən sonra ictimaiyyətə ətraflı məlumat verəcəm.

Telegramda izləyin

instagramda izləyin