Erməniylə "Sarı gəlin" oxuyan azərbaycanlı aşıq DANIŞDI

Azərbaycanlı aşıq Tinatin (Nargilə) Mehtiyeva Gürcüstanda keçirilən IX Qafqaz caz festivalında erməni və gürcü ifaçılarla birlikdə "Sarı gəlin" mahnısını oxuyub.

Sonxeber.az xəbər verir ki, Aşıq Tinatin (Nargilə) Mehdiyeva "Ölkə.Az"a məsələ ilə bağlı açıqlama verib. Mehdiyeva bildirib ki, onu tənqid edənlər haqlı deyillər:

"Erməniyə Tiflisin göbəyində bu mahnını tək oxumağa imkan versəydim, indi belə danışmazdınız. Erməni "Sarı gəlin"lə çıxış etsəydi, bunu mən qəbul etməzdim! Biz burada ermənilərlə yan-yana mədəniyyətimiz uğrunda döyüşürük. Biz başqa ölkədə Azərbaycan mədəniyyəti uğrunda can atırıq.
Onların gözü qaşısında biz hər zaman qalib gəlirik!
Mən öz ayaqlarım üstündə bu mübarizədən qalib olaraq alqış alaraq çıxıram! Hər zaman da belə edəcəm.
Bu, mənimdir və mən də o səhnədə hər kəsin gözü qarşısında təsdiq elədim ki, bu mahnı bizimdir. Azərbaycan mədəniyyəti, musiqisi güclüdür".
Aşıq bildirib ki, məcburiyyətdən erməniylə oxuyub:
"Mən bu addımı qorxmayaraq, cəsurcasına atdım və hər zaman da hünərimizlə biz burada yaşayır və yaradırıq.
Mən imkan verə bilməzdim "Sarı gəlin"i Tiflisin göbəyində erməni tək səsləndirsin. Onda gərək mən sazımı yerə qoyaydım, ya da onların gülüşünü və qələbəsini qəbul edəydim. Mən burada ölməyə razı olaram, amma, ermənini özümə güldürmərəm".

Telegramda izləyin

instagramda izləyin