Nazilə Səfərli gəlinlərinə göndərdiyi səs yazısında azərbaycanlı nazirin oğlunun adını hallandırır?

Xəbər verdiyimiz kimi, Nazilə Səfərlinin qardaşının keçmiş həyat yoldaşı "Səni axtarıram"da növbəti qalmaqallı açıqlamaları ilə diqqət çəkib. Pərvanə bildirib ki, Xətai Rayon İcra Şöbəsinin rəisi Vüqarın sözlərinə görə, istəsə baba, istəsə də ata gəlib uşağı götürə bilər:

"Sən səsini çıxara bilməzsən. Əgər icazə verməsən, səni 30 günlük həbs etdirəcəyik. Bu gün saat 5-dən 8-ə kimi babası gəlib götürəcək. Çəkilişlə baba gələcək. Əgər etiraz etsəm haqqımda protokol hazırlayıb həbs etdirəcəklər. Mən də dedim baba gəlməsin. Çünki mənim haqqımda o sözləri işlədib. O da qayıdıb mənə dedi ki, sənə nə dəxli var. Ata istədiyini yanında gətirə bilər. İstər sevgilisini gətirər, istərsə də arvadını. Sən ona qarışa bilməzsən. Sən də get evində otur. Onlar gələndə aç qapını. Bu, onlarda qıcıq yaradacaq".

Pərvanənin sözlərindən əsəbiləşən Xoşqədəm Hidayətqızı vurğulayıb ki, o səs yazısını efirə verə bilər: "Orada Nazilə kimlərlə dostluq etdiyini bildirir. Olmaz, Nazilə, sən qadınsan. Əlbəttə, ata uşağını görə bilər. Amma bir qadını bu cür əzmək, təhqir, şantaj etmək olmaz. Vüqarı bağlayın, bu sözləri efirdə də desin".

Xoşqədəm Hidayət qızının ittihamlarına Nazilə Səfərli cavab verib. Nazilə Səfərli bildirib ki, onun səsləndirdiyi fikirlərin heç birindən qorxmur:

"Xoşqədəm, sən kimsən? Jurnalistsən bu sənin peşəndir. Hüquqşünassan, bu sənin ixtisasındır. İnsan olaraq sən kimsən? Məni ittiham edəcək insan sən deyilsən. Qardaşım arvad alıb, boşayıb. Ayrı birisini də alıb. Mənə nə? Ailədir. Sabah mənim də ailəm dağıla bilər. Mən də dünyamı dəyişə bilərəm. Həyat yoldaşıma da bir şey ola bilər. Niyə sən hər işin altında Nazilə var deyirsən. Sənin mənimlə nə alıb, verəcəyin var. Bir yerdən səs yazısı gəldi deyirsən. Mənim vecimə də deyil. Qorxmuram da. Çünki mən qorxaq deyiləm. Hüquqlarımı da bilirəm. Bu çıxışlarıma da əvvəldən axıra kimi baxacağını da bilirəm. Kim sənə ixtiyar verib ki, gündə bir neçə dəfə Nazilə deyib çağırırsan. Məni sən doğmusan? Yoxsa sən mənim qızımsan? Bu nə ərkdir? Böhtandır? Mən Pərvanə adlı gəlin tanımıram? Mən bu qədər savadsızam ki, nazir övladının adını hallandıram? Mən çox ağıllı və savadlıyam. Pərvanə uşaqlarını sevən qadın olsaydı mənim ona verdiyim lüks həyatı qəbul edərdi. O, mənə nə dedi. Gəl efirə adını təmizlə dedi. Xoşqədəmin yanında söz ver. Xoşqədəm kimdir ki, ona söz verim. Sən media üçün ölürsən. Sən bəlkə ayaqyoluna da media ilə getmək istəyirsən. Ona görə də canlı yayım açdım. Bütün mətbuatı mənim canlımı izləməyə dəvət edirəm. Qardaşımın boşadığı arvaddan mənə nə? ".

Bundan əlavə Nazilə Səfərli vurğulayıb ki, Pərvanə eks həyat yoldaşı ilə uşaqlarının görüşməsinə icazə verməlidir:

"Xoşqədəm, sən yaxşı qadınsansa, övladlarını sevirsənsə Pərvanə yanına gələndə de ki, icazə versin uşaqlar atası ilə 5 saat görüşsün. Ağıllı olub o 5 saata icazə versin. Artığını istəmirik. O, elə bir qadındır ki, onun həyatda heç bir uğuru yoxdur. İnanmıram ki, o, daha kimləsə evlənsin. Çünki o əxlaqa, xarakterə sahib insanla heç kim evlənməz. Biz idik onun toruna düşən. O cür eqoist insanı heç kim almaz. Hələ efirdə çıxartdığı oyunlardan sonra. Efirdə Nazilə deyib bağırma. Kar deyiləm. Həddini bil ki, həddimi bilim. Vaxtım yoxdur məhkəmə qapılarında sürünüm. Məni zorla intihara sövq etmə. Canımdan bezdirmə. Mənim başıma bir iş gələrsə birbaşa sən məsuliyyətlisən. Pərvanə də bir başqası da etsə sənsən məsuliyyətli. Məndən sorumlusan. Mən sağlamlığımı, həyatımı sənə borc verirəm".

mənbə:BiG.AZ

Telegramda izləyin