Azərbaycanda hər toyuq ayda orta hesabla 16 ədəd yumurta yumurtlayır

2017-ci ilin müvafiq dövrü ilə müqayisədə bu ilin yanvar-iyun aylarında Azərbaycanda diri çəkidə ət istehsalı 3,1 faiz artaraq 245,2 min ton olub.

Sonxeber.az Dövlət Statistika Komitəsindən açıqlanan məlumatlara istinadən bildirir ki, ilin ilk 6 ayında süd istehsalı ötən ilin ilk yarısı ilə müqayisədə 1,3 faiz artaraq 1 milyon 16,8 min ton, yumurta istehsalı 0,9 faiz artaraq 887,4 milyon ədəd, yun istehsalı isə 1,4 faiz azalaraq 14,5 min ton olub. Bundan başqa, ölkədə 514 ton barama istehsal olunub ki, bu da son 20 ilin ən yüksək göstəricisidir .
2018-ci il iyulun 1-i vəziyyətinə ölkə üzrə 2 milyon 691,3 min baş iribuynuzlu mal-qara, o cümlədən 1 milyon 290,7 min baş inək və camış, 8 milyon 649 min baş qoyun və keçi mövcud olub. İribuynuzlu mal-qaranın 48 faizini inək və camışlar təşkil edir.

Cari ilin yanvar-iyun aylarında quşçuluq fabriklərində diri çəkidə 39,4 min ton (keçən il 38 min ton) quş əti və 338,9 milyon ədəd (keçən il 382 milyon ədəd) yumurta istehsal olunub. Ümumilikdə fabriklər üzrə cəmi quşların sayı 9 milyon 760,8 min baş olub, hər yumurtlayan toyuqdan orta hesabla 99 ədəd (ay ərzində orta hesabla 16,5 ədəd) yumurta alınıb.

Telegramda izləyin