Manatın məzənnəsi bu puldan asılıdır - EKSPERT RƏYİ

Maliyyə nazirinin "Qonşu ölkələrdə milli valyutaların dəyərsizləşməsi manata təzyiqi artırır" fikiri nədən xəbər verir?

Sonxeber.az xəbər varir ki, iqtisadçı alim Vüqar Bayramov qeyd olunan məsələyə özünün "Facebook" səhifəsində aydınlıq gətirib. Onun sözlərinə görə, qonşu ölkələrin milli valyutalarının kursu bizim üçün əhəmiyyətlidir:

"Əslində bu bizim uzun müddət gündəmdə saxladığımz fikirin rəsmi dəstəklənməsidir: manatın kursu yalnız neftin dünya bazar qiymətindən deyil, eləcə də qeyri-neft ixracatımızda əsas tərəfadşlarımızın, xüsusən də Rusiya rublunun vəziyyətindən asılıdır. Neftin qiyməti manatın məzənnəsi üçün vacib olsa da aqrar məhsullarımızın 90, ümumi qeyri-neft ixracatımızın 34%-nə sahib olan şimal qonşumuzun valyutasının dəyəri bizim üçün az əhəmiyyətli deyil.

Eyni zamanda, rəsmi statistikaya əsasən, mədən sənayesi ümumi məşğulluğun cəmi 1%-ni formalaşdırır. Fərqli metodologiyadan istifadə olunsa belə, neft sektorunun məşğulluqda payı 2%-dən çox deyil. Bu isə o deməkdir ki, məşğulluğun 98%-i qeyri-neft sektorunda formalaşır.

Doğrudur, bu məşğulluq təxminən 40%-i büdcə ayırmaları hesabına formalaşsa da, yenə qeyri-neft ixracatı bizim üçün nəinki iqtisadi, həm də sosial baxımdan əhəmiyyətini qoruyub saxlayır. Qeyri-neft ixracatındakı müqayisəli üstünlüklərimizin qorunub saxlanması üçün neftdən kənar sektorlar üzrə əsas ticarət tərəfdaşlarımızda valyutaların vəziyyətinin nəzərə alınması çox vacibdir. Bu baxımdan da qonşu ölkələrin milli valyutalarının kursu bizim üçün əhəmiyyətlidir.

Öncədən proqnozlaşdırdığımız kimi, dekabrda dollara tələb yüksələcək. Amma bütün hallarda son qərarı Mərkəzi Bank verəcək. Bütövlükdə, vətəndaşlarımızın iki faktora, neftin dünya bazar qiyməti və qonşu ölkələrin, xüsusən də Rusiya rublunun vəziyyətinə diqqət edərək manata təzyiqin olub-olmadığını müəyyənləşdirə bilərlər."

Telegramda izləyin

instagramda izləyin