Qaşlarınız tökülür və ya seyrəkləşib? O zaman əsasən bunlara DİQQƏT edin...

Payız və qış aylarında qaşların tökülməsi ən çox seyrək qaşlı xanımları narahat edən problemlərdən biridir.

Sonxeber.az Xanim.az-a istinadən qaşları qalınlaşdımaq üçün lazım olan maska reseptlərini sizə təqdim edir.

İbrahim Saraçoğlunun sözlərinə görə, qaş tökülməsinin səbəbləri saç tökülməsi ilə təxminən eynidir: "Qaşların da, saçların da mənbəyi eynidir. Qaşların seyrəlməsinin əsas səbəblərinə vitamin, mineral və hormon tarazlığının pozulması daxildir. Eynilə saçlar kimi qaşların da vitamin və minerallara ehtiyacı var. Bəzi xanımlar qaşlarını tez-tez aldırırlar. Bu zaman tük kökündən qoparılır və bu vəziyyət tük kökünə zərər verir. Korlanmış tük kökləri dəfələrlə özünü yeniləməyə çalışır, ancaq bir müddət sonra yeniləmə prosesi dayanır. Bu halda qaş bir daha çıxmır və ciddi şəkildə seyrəlməyə başlayır. Bir müddət sonra qaşlar formasız görünür, həm də tüklər uzanmır. Buna xalq arasında "qaş küsməsi" deyilir.
Digər bir amil dəri xəstəlikləri və saçqırandır. Əgər tüklər qaşın ancaq bir hissəsində tökülürsə, böyük ehtimalla bunun səbəbi dəri xəstəlikləridir. Bu halda dərhal dermatoloqa müraciət etmək lazımdır.

Qaş tökülməsinin isə əsas səbəbi aşağıdakılardır.

Makiyajla yatmaq (qaş qələmi)

Qeyri-kafi qidalanma

Hipotiroid (həddindən artıq tiroid hormonu istehsalı)

Kimyəvi terapiyanın əks-təsirləri

Travmalar

Göbələk və ekzema

Sızanaqlar

Qaş tökülməsinin müalicəsi

Qaşları almayın: İlk növbədə qaş almağı bir müddətlik dayandırın. Onsuz da son illərdə qalın və təbii qaşlar dəbdədir. Hər halda qaşsız qalmaqdan daha yaxşıdır.

Həkim nəzarəti: Əgər qaş tökülməsi dayanmırsa, mütləq həkimə müraciət edin. Unutmayın ki, bunun səbəbi dəri xəstəliyi ola bilər. Bu halda xəstəliyin yayılma riski də var. Bundan əlavə, hormon müalicəsini özünüz edə bilməzsiniz.
Qaş üçün effektli maska: Bu maskanı duşdan çıxdıqdan sonra çəkin. 1 çay qaşığı hindqozu yağı ilə 1 çay qaşığı badam yağını yaxşıca qarışdırın, duş sonrasında makiyaj fırçası və ya qulaq pambığı ilə qaşlara və kirpiklərə sürtün. Yarım saat gözlədikdən sonra ilıq su ilə yuyun.

Sarımsaq maskası:

Bir diş sarımsağı yaxşıca döyüb, badam yağı ilə qarışdırandan sonra qaşlara sürtün, yarım saatdan sonra isə yuyun.

Telegramda izləyin