Göbələk axtarmaq üçün getdiyi meşədə qarşılaşdığı heyvana baxın - VİDEO

Türkiyənin Denizli vilayətində meşəyə göbələk yığmağa gedən bir vətəndaşın qarşılaşdığı heyvan diqqət çəkib.

Sonxeber.az türk mediasına istinadən xəbər verir ki, ərazidə meymunun görünməsi həm yerli sakinlər, həm də sosial şəbəkə istifadəçiləri arasında maraq doğurub.

Hadisə Pamukkale rayonunun Çamlık ərazisində baş verib. Quzugöbəyi göbələyi axtarmaq üçün meşəlik sahəyə gedən Nizamettin Yiğit qəfil qarşısına çıxan meymunu görərək böyük təəccüb yaşayıb. O, vəziyyəti dərhal Doğa Koruma və Milli Parklar (DKMP) əməkdaşlarına xəbər verib və onlar hadisə yerinə gələnə qədər heyvanı gözdən itirməməyə çalışıb.

Meymunun ac ola biləcəyini düşünən Yiğit yanında olan simidi ona verərək həm heyvanı sakitləşdirib, həm də qidalandırıb. Vətəndaşın meymunla qısa müddətdə ünsiyyət qurması və həmin anları lentə alması diqqət çəkib.

Hadisə yerinə gələn müvafiq qurum əməkdaşları meymunu tutmaq üçün uzun müddət cəhd göstərsələr də, buna nail ola bilməyiblər. Qaçan meymunun tapılması istiqamətində axtarışların davam etdiyi bildirilir.

Telegramda izləyin