Azərbaycanlı idmançılar Wizard-open beynəlxalq turnirində iştirak etdi - FOTOLAR+VİDEO

Azərbaycanlı idmançılar Ukraynada ölkəmizi təmsil edib.

Bu haqda BiG.AZ-a dünya çempionu, əməkdar məşqçi, əməkdar idman ustası, Sərhədçi İdman Ollimpiya Mərkəzinin baş məşqçisi, sərhədçi zabiti kapitan Fuad Zeynalov məlumat verib. O bildirib ki, Azərbaycanı xarici ölkədə 4 nəfərdən ibarət komanda təmsil edib:

"Azərbaycandan 4 nəfər yeniyetmə və gənclərdən ibarət olan yeganə bizim komanda idi ki bu yarışda iştirak edirdi. Wizard-open beynəlxalq turniri Ukraynanın Kiyev şəhərində keçirilir. 2 nəfər - Vüsal Kazımov ( 54 kilo) və Elcan Alıkişiyev (75 kilo) yarışda iştirak etdi və yarımfinal görüşündə döyüşlərini saxladılar, 3-cü yerlə kifayətləndilər.

Qəşəm Məmmədov ( yeniyetmə 57 kilo) və Elşad Şahbazov (gənc, 67 kilo) hər iksi finaldadır. Final döyüşləri peşəkar qaydada keçiriləcək, udanlara Wizard-open kəməri veriləcək. Yarışlar 14-16 dekabrda keçirilir"

Fuad Zeynalov sonda yarış, beynəlxalq turnir, dünya çempionatlarında iştirak etmək üçün idmançılaımıza şərait yaratdıqlarına görə Azərbaycan Kikboksinq Federasyasının prezidenti, millət vəkili Adil Əliyevə və Sərhəd Qoşunlarının Sərhəd xidmət rəisi general polkovnik Elçin Quliyevə təşəkkürünü bildirib.

Telegramda izləyin

instagramda izləyin