Dollar satışının kəskin artması ilə bağlı – NEFT FONDUNDAN AÇIQLAMA

Dollar satışının kəskin artması ilə bağlı – NEFT FONDUNDAN AÇIQLAMADövlət Neft Fondu 2018-ci ildə valyuta hərraclarında satılan dolların həcminin kəskin artmasına aydınlıq gətirib. Fondun açıqladığı göstəricilərə əsasən, 2018-ci ildə valyuta hərraclarında 6 milyard 460,4 milyon dollar satılıb. Bu, 2017-ci ilin analoji göstəricisi ilə müqayisədə 80% artıqdır.

Neft Fondundan bildirilib ki, 2018-ci il dövlət büdcəsinin təsdiq edilməsi haqqında Azərbaycan Respublikasının Qanununda Azərbaycan Respublikası Dövlət Neft Fondundan (ARDNF) dövlət büdcəsinə transfertin həcmi 10 966,0 mln. manat səviyyəsində təsdiq edilib ki, bu da 2017-ci ilin göstəricisinə (6 100,0 mln. manat) nisbətən 79,8% çoxdur.

"Bununla əlaqədar ARDNF-nin manat ilə ifadə edilən büdcə öhdəliklərinin icrasını təmin etmək məqsədilə 2018-ci ildə Fond tərəfindən 2017-ci ilə nisbətən daha çox valyuta satışı həyata keçirilmişdir"-deyə Fonddan bildirilir. (fed.az)

İqtisadiyyat   Baxılıb: 7841   Tarix: 08 yanvar 2019  

Şikayətiniz varsa Whatsapp: 077 7125666

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR