"Utandığımdan çıxıb qaçmışam" - Arif Quliyev

Pul verməməkdən ötrü heç məni də çağırmırlar.

"7, 8 özəl filmlərə çəkilmişəm. Amma bəzilərinə heç özüm axıra kimi baxmayıb utandığımdan çıxıb qaçmışam".

Bu sözləri Xalq artisti Arif Quliyev "Show News"a açıqlamasında bildirib. Məşhur aktyor yeni çəkilən filimlərin əskik tərəflərindən danışıb:

"4,5 adam yığışır, 7- 8 min pul tapırlar. Pul verməməkdən ötrü heç məni də çağırmırlar. Yeni üz, yeni görkəm görən kimi çəkirlər. Bu yaxşıdır, amma qəbul olunacaqmı? Ola bilər bu gün Arif Quliyevin dediyi sözlərə insanlar gülmür, amma onların çəkdiklərinə gülürlər.

Qatqı bütün filmlərdə olduğu kimi bu filmlərdə də var. Güldürüb düşündürmək lazımdır. Sözün effekti, təsiri və hərəkət dinamikası olmalıdır. Adam var 30 ildir işləyir, lakin ortaya çıxa bilmir. Mən onu necə deyim, necə ürəyini qırım? Heç olmasa 10 ildən sonra ayılsa, böyük şeydir".

Telegramda izləyin

instagramda izləyin