Ermənistan qoşunlarını işğal olunmuş Azərbaycan torpaqlarında öz iradəsi ilə yerləşdirməyib - Deputat

Ermənistan qoşunlarını işğal olunmuş Azərbaycan torpaqlarında öz iradəsi ilə yerləşdirməyib - Deputat"Bu gün Ermənistanın baş naziri Nikol Paşinyanın və ümumiyyətlə Ermənistanın Qarabağ münaqişəsinin həlli ilə bağlı mövqeyinin və planının olmadığının şahidi oluruq".
Bunu "Ölkə.Az"a açıqlamasında millət vəkili Fazil Mustafa deyib.

Millət vəkili bildirib ki, Paşinyan bu gün öz fikri ilə deyil, digərlərinin ideya və fikirlərini öz siyasəti kimi göstərməyə cəhd edir: "Səsləndirilən bəyanatlar və fikirlər kənardan ona edilən diqtə əsasında dilə gətirilir. Bu gün faktiki olaraq Ermənistan rəhbərliyinin Qarabağ münaqişəsi ilə bağlı konkret mövqeyi yoxdur".
F.Mustafa əlavə edib ki, Ermənistan öz qoşunlarını belə işğal olunmuş Azərbaycan torpaqlarında öz iradəsi ilə yerləşdirməyib.

"Bu gün Ermənistan başqa qüvvələrin diqtəsi, daha doğrusu Qarabağı Azərbaycandan qoparmaq istəyən ABŞ və Rusiyanın diqtəsi ilə ordusunu işğal altında olan torpaqlarda saxlayır. Məhz bu ölkələrin diqtəsi əsasında siyasətin formalaşması baş verir. Ona görə də Paşinyanın bu məsələdə mövqeyinin və rolunun olmadığını şahidiyik. Digər tərəfdən Paşinyanın Ermənistan cəmiyətində mövqeyinin zəif olması, hər hansı məsələ barədə mövqe formalaşdırmasına imkan vermir", - deyə F.Mustafa bildirib.

Siyasət   Baxılıb: 1259   Tarix: 08 mart 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR