Sahil Babayevdən məşğulluqla bağlı AÇIQLAMA: "Çox önəmli qərarlar qəbul edilib"

"Azərbaycanda qeyri-formal məşğulluqla mübarizə çərçivəsindən çox önəmli qərarlar qəbul edilib. Təqdim olunan böyük həcmli vergi güzəştləri, inzibati tədbirlərin təkmilləşdirilməsi nəticəsində artıq bu ilin ilk aylarından müsbət nəticələr əldə edilib".

Sonxeber.az publika.az-a istinadla xəbər verir ki, bu sözləri Əmək və əhalinin sosial müdafiəsi naziri Sahil Babayev jurnalistlərə açıqlamasında deyib.
Nazir bildirib ki, təkcə iki ayda bu sahədə 50 mindən çox artım qeydə alınıb:

"Mart ayının 5-ə olan məlumata görə ölkədə əmək müqavilələrinin sayı 53 mindən çox artıb. Bunların 40 mini məhz özəl sektorda əmək pensiyalarının artımından irəli gəlir. Bu rəqəmlər aparılan islahatların uğurlu şəkildə həyata keçirilməsinə bir nümunədir. İlk iki ayda əmək müqavilələrinin sayı 50 mindən çox artması formal məşğulluğun genişlənməsi, qeyri-formal məşğulluğun azalmasına xidmət edir".
Nazir bildirib ki, ölkədə qeyri-formal məşğulluğun dəqiq qiymətləndirilməsi mümkün deyil:

"Ən inkişaf etmiş ölkələrdə qeyri-formal məşğulluğun həcmi 20-30 faiz civarındadır. Qeyri-formal məşğulluq bütün dövlətlərdə var, bunun qiymətləndirilməsi üçün müxtəlif təcrübələr mövcuddur. Ona görə də ölkəmizdə qeri-formal məşğulluğun faizini birmənalı olaraq qiymətləndirmək çətindir. Lakin dinamika ilə baxdıqda irəliləyişlər müşahidə edirik. Əgər əmək müqavilələrinin sayı iki ayda 53 min artırsa, il ərzində bu sahədə ciddi irəliləyişlərin olmasına imkan yaradır. Azərbaycanda ümumi məşğulluğun mənzərəsi kifayət qədər yaxşı görünür. Bu gün Dövlət Statistika Komitəsinin məlumatlarına görə Azərbaycanda böyük bir kəsim pay torpağı, fərdi sahibkarlar və muzdlulardır. Bizim əsas məqsədimiz muzdluların sayının artırılmasıdır. Bu da gələcəkdə onların pensiya təminatına imkan verəcək. Qeyri-formal məşğulluğun həcminin dəyərləndirilməsi üçün müxtəlif kriteriyalar var. Bizim ora pay torpaq sahiblərini aid etməyimizdən çox şey asılıdır. Əgər kənd təsərrüfatında çalışanları formal məşğulluq kimi qəbul etsək, Azərbaycanda vəziyyət heç də pis deyil".

Telegramda izləyin

instagramda izləyin