Sovetlər dönəmində solaxay olmaq niyə qadağan olunmuşdu?

Sovetlər dönəmində solaxay olmaq niyə qadağan olunmuşdu?Sovetlər dönəmində uşaqlara sol əllə yazmaq qadağan edilirdi. Hətta buna görə xətkeşlə ələ də vurulurdu.

Sonxeber.az-ın araşdırmalarına görə, sol əllə yazmağın qarşısını almaq üçün qolunu ya bağlayır, ya da arxaya bururdular.

Bunun bir neçə səbəbi də var. Əvvəla sovet ideologiyasına görə kimsə kimdənsə seçilməməli idi. O dönəmlərdə xüsusi stildə geyinənləri, eləcə də solaxayları çox da sevmirdilər. Çünki onlar hamı kimi "deyildilər". Rəsmi olaraq solaxay olmağın qadağası ona görə irəli sürülürdü ki, istifadə üçün istehsal edilən bütün əşyalar sağ əl üçün nəzərdə tutulurdu. Sonra da solaxayların "məcburi" sağ əllə iş görməyin öyrədilməsi nəzarətə götürüldü.

Alimlər bu kimi məcburiyyətin solaxayların psixologiyasına mənfi təsir etdiyini aşkar etdilər. Belə adamlar özlərini çox vaxt yersiz yerə günahkar hiss edir, məktəbdə şagirdlər arasında çıxdaş olur və nəticədə yaxşı oxumurdular. Onlarda əsəb pozuntusu, yuxusuzluq kimi xoşagəlməz simptomlar aşkarlanırdı.

Araşdırmalara görə solaxayları tamamən dəyişmək mümkün deyil. Onlar müəyyən işləri yenə də sol əllə görürdülər. Amma maraqlı özəllikləri də o idi ki, həm sol, həm də sağ əllə yazırdılar. Nəticədə 1986-cı ildə solaxaylara qarşı "basqı", onlara sağ əllə iş görməyin öyrədilməsi ləğv edildi. Lakin indiki dövrdə solaxay olmaq sərbəstdir və elələrinə heç bir basqı yoxdur. Hətta solaxay adamlar bu xüsusiyyətlərinə görə çoxu tərəfindən maraqla qarşılanır və onlar kimi olmağa - məsələn, ən çox sol əllə yazmağı öyrənməyə cəhd edirlər. Həmçinin solaxay adamlar digərlərindən fərqli olaraq, xüsusi istedada malikdirlər.

Qeyd edək ki, dünyanın müxtəlif sahələrində ən tanınmış simalar məhz solaxaylardır. Prezidentlər Bill Klinton, Barak Obama, şahzadə Çarlz, aktyorlar Bred Pitt, Tom Kruz, Çarli Çaplin, aktrisalar Nikol Kidman, Ancelina Coli, müğənnilər Ledi Qaqa, Riki Martin və bu kimi yüzlərlə tanınmışlar doğuşdan solaxaydırlar.

Azər NƏSİBOV

Maraqlı   Baxılıb: 2114   Tarix: 04 may 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR