Aprel şəhidimiz Samidin TOY FOTOSU yayılıdı

Sosial şəbəkələrdə aprel döyüşlərində qəhrəmancasına şəhid olan Azərbaycanın Milli Qəhrəmanı Samid İmanovun toy fotosu yayılıb.

BiG.AZ xəbər verir ki, mayor Samid Gülağa oğlu İmanov 14 oktyabr 1981-ci ildə Neftçala rayonunda dünyaya gəlib. 1998-ci ildə orta məktəbi bitirdikdən sonra Heydər Əliyev adına Ali Hərbi Məktəbə qəbul olan İmanov 2003-cü ildə həmin hərbi məktəbi fərqlənmə diplomu ilə bitirib və Azərbaycan Respublikasının 3-cü Prezidenti Heydər Əliyev tərəfindən mükafata layiq görülüb.

Samid İmanov 2004-cü ilin iyun ayından müxtəlif illərdə Xüsusi Təyinatlı Qüvvələrin hərbi hissəsində qrup komandiri müavini, qrup komandiri, bölük komandiri, dəstə komandiri və hərbi hissənin qərargah rəisi vəzifələrində xidmət edib.

2014-cü ilin avqust ayının əvvəllərində Azərbaycan-Ermənistan təmas xəttində baş verən atışma zamanı Samid İmanovun rəhbərliyi altında onun dəstəsi qarşı tərəfə keçdi və əməliyyat keçirdi. Döyüş nəticəsində Ermənistan Silahlı Qüvvələrinin 20 hərbi qulluqçusu məhv edildi.

Mayor Samid İmanov 2016-cı ilin aprel ayının əvvəlində sonuncu döyüşə qatıldı. Döyüşdə Samid İmanov Tərtər rayonunun Talış kəndi istiqamətində düşmən ilə atışdı.Aprelin 3-dən 4-nə ötən gecə döyüş zamanı mayor İmanov neytral ərazidə ayağından və çiynindən qəlpə yarası alıb. Əsgərlər onu döyüş meydanından aparmağ istəsədə, Samid İmanov buna qəti sürətdə etiraz edib və onun əvəzinə yaralı gizirin çıxarılmasını əmr edib.

Əsgərlərin etirazına baxmayaraq isə mayor İmanov əmrin icra edilməsi üçün qəti göstəriş verdi. Yaralı giziri döyüş meydanından çıxaran əsgərlər, Samid İmanovu aparmağ üçün yenidən döyüş meydanına qayıtdı, amma mayor İmanov artıq orada deyildi.

Samid İmanov əsgərləri ərazidən uzaqlaşandan sonra erməni tərəfə əsir düşməmək üçün oradan uzaqlaşdı. Bütün mərmiləri qurtaran mayor İmanov düşmənə erməni tərəfinə sağ düşməmək üçün əlində qumbara saxlamışdı. Səhərə gədər əsgərlər ona tapmadığı üçün isə mayor Samid İmanov qan axma nəticəsində qəhrəmancasına şəhid oldu. Aprelin 8-i Samid İmanovun nəşi neytral ərazidən götürüldü və doğma Neftçala rayonuna aparıldı.

Qeyd edək ki, Samid İmanov 2013-cü ilin 16 iyun günündə dayısı qızı ilə ailə həyatı qurub. Bu nigahdan şəhidimizin bir qızı və bir oğlu var.

Allah rəhmət eləsin!

Telegramda izləyin