Təsadüfən tapdığı bu daşı 50 minə satışa çıxardı

Türkiyənin Kütahya şəhərində bir şəxsin təsadüfən tapdığı qeyri-adi görünüşlü daşı 50 min TL-yə satışa çıxarması diqqət çəkib.

Sonxeber.az xarici mediaya istinadən xəbər verir ki, vətəndaşın satışa təqdim etdiyi daşın fotosu sosial şəbəkələrdə qısa zamanda yayılaraq geniş müzakirələrə səbəb olub. İstifadəçilər daşın həqiqətən dəyərli olub-olmaması ilə bağlı müxtəlif fikirlər səsləndiriblər.

Bəzi sosial media istifadəçiləri daşın görünüşünü fərqli şəkildə şərh edərək zarafatla onun "qusmağa bənzədiyini" qeyd edib. Digərləri isə belə tapıntıların satışa çıxarılması əvəzinə universitetlərə təqdim edilməsinin daha məqsədəuyğun olacağını bildiriblər.

Həmçinin daşın fosilli əhəngdaşı ola biləcəyi ilə bağlı ehtimallar da irəli sürülüb.

Hazırda daşın elmi və ya maddi dəyəri ilə bağlı rəsmi açıqlama verilməyib.

Telegramda izləyin