"Rusiya ilə Azərbaycan arasında iqtisadi münasibətlərin xüsusi əhəmiyyəti var"-RƏY

Azərbaycan Respublikasının Prezidenti İlham Əliyev dekabrın 9-da Rusiya Federasiyasının İqtisadi İnkişaf naziri, Rusiya-Azərbaycan Hökumətlərarası İqtisadi Komissiyasının həmsədri Maksim Oreşkinin başçılıq etdiyi nümayəndə heyətini qəbul edib.

Mövzu ilə əlaqədar Sonxeber.az-a iqtisadçı-ekspert Akif Nəsirli açıqlama verib. O, bildirib ki, istənilən ölkədə qonşu ölkələr ilə iqtisadi münasibətlər xüsusilə önəmlidir:
Rusiya ilə Azərbaycan arasında isə bu önəmin xususi əhəmiyyəti var. Biz ölkə ixracatının diversifikasiyası istiqamətində Rusiya ilə əməkdaşlığımızı önəmli sıralara çıxarda bilərik. Bu əlaqələr mövcuddur. Amma kifayət qədər deyil. Bizim ixracatımızın 90 faizi neft və qaz məhsullarıdır. Hesab edirəm ki, Azərbaycanın karbohidrogen ehtiyatlarının ixracı Qərbə doğru hərəkət edir. Digər istiqamətdə ölkənin ixrac potensialının artması baxımından Rusiya bazarlarının önəmi böyükdür. Rusiyada Azərbaycanın təbiətində, iqlimində yetişən meyvələr, tərəvəzlər və digər məhsulların bazarı kimi Rusiya əlaqələrindən istifadə edə bilərik. Bu əlaqələrin genişləndirilməsi Azərbaycan iqtisadiyyatının diversifikasiyası üçün xüsusi önəmə malikdir. Digər qonşu ölkələr də önəm daşıyır amma Rusiya ilə münasibətlər, xüsusilə kənd təsərrüfatı məhsullarının ixracatı baxımından xüsusi əhəmiyyət daşıyır. Ona görə də, hesab edirəm ki, Rusiya ilə Azərbaycan hökuməti arasında iqtisadi əlaqələrin genişləndirilməsi bütün hallarda işlək dəyərləndirilməlidir.

Fəridə Ağazadə

Telegramda izləyin

instagramda izləyin