Azərbaycanda avtomobillərin qiyməti niyə bahalaşır? -AÇIQLAMA

Pandemiya dövründə iqtisadi aktivliyin azalması bütün sahələrə öz mənfi təsirini göstərdi. Bu dövrdə ən çox zərər çəkən sahələrdən biri də avtomobil bazarı oldu.
Maraqlıdır, hazırda avtomobil bazarında vəziyyət necədir, növbəti mövsümdə qiymətlər hansı istiqamətdə dəyişəcək?

Mövzu ilə bağlı Sonxeber.az-ın sullarını ekspert Eldəniz Cəfərov cavabayıb. O bildirib ki, Azərbaycanda hal-hazırda ikinci əl avtomobillərin qiymətində 5-10 faizə qqədər bahalaşma müşahidə olunur: "Bu da mövsümi xarakter daşıyır. İndi bütün dünyada avtomobillərin qiymətində bahalaşma var. Bu da müxtəlif səbəblərlə əlaqədardır. Əsas səbələrdən biri də logistika ximətlərinin artması ilə bağlıdır. Daşınma qiymətlərin 2-5 faiz artım var ki, bu da avtomobillərin qiymətinə öz təsirini göstərir. Burada həm yeni, həm ikinci əl avtomobillərin qiymət bahalaşması müşahidə olunur".
Ekspert vurğulayıb ki, hazırda Azərbaycanda Yaponiya istehsalı olan avtomobillərin çatışmazlığı yaranıb: "Bu gözlənilən idi. Çünki Yaponiyada bəzi zavodlar seysmik zonalarda yerləşdiyinə görə avtomobil zavodları başqa əraziyə köçürülüb. Buna görə də Yaponiyanın avtomobil istehsalının həcmində azalma qeydə alınır".

Ekspert qeyd edib ki, qiymətlərin bundan sonra bahalaşması gözlənilmir: "Qarşıdakı aylarda avtomobil qiymətlərində kəskin artım gözlənilmir. Logistika qiymətləri yüksəlməsə qiymətlər indiki səviyyədə qalacaq".

Telegramda izləyin