"Azərbaycan Xorvatiyada geniş investisiyalı layihələr həyata keçirə bilər"-RƏY

Prezident İlham Əliyev Davosda bir sıra xarici ölkələrin nümayəndələri və şirkət rəhbərləri ilə işgüzar görüşlərini davam etdirib. Xorvatiya Respublikasının Baş naziri Andrey Plenkoviç ilə görüş, ölkələr arasındakı strateji tərəfdaşlığı təsvir etməyə imkan verir.

Mövzu ilə bağlı Sonxeber.az-a politoloq Mübariz Əhmədoğlu açıqlama verib. O, bildirib ki, hazırda dünyada olan qlobal, maliyyə problemləri dünya iqtisadiyyatında yaranan vəziyyət, Azərbaycanın Mərkəzi və ya Şərqi Avropa region və dövlətləri ilə münasibətinə pis təsir edib:
"Amma vaxtı ilə bizim Mərkəzi və Şərqi Avropada çox ambisiyalı planlarımız olub. Azərbaycanın Mərkəzi və Şərqi Avropada əməkdaşlıq üçün seçdiyi ilk dövlətlərdən biri Serbiya idi. Biz doğrudan da Serbiya üçün çox faydalı bir dövlət olduq. Serbiyanın daxilinə çox güclü investisiya qoyduq. Əslində tarixən Serbiya özünü ermənilərə yaxın bir dövlət kimi təsvir edib. Yəni doğrudan da etnik, dini baxımdan, Osmanlı İmperiyasına münasibət baxımından Serbiya ilə Ermənistanın arasında əlaqələr var. Əslində Azərbaycan Serbiyanı anti-türk cinahından çıxarda bildi. İndi bizim Serbiya üzərində apardığımız iş, Serbiyanın ətrafında olan dövlətlərdə də Azərbaycan haqqında çox müsbət imic yaradıb. Xorvatiya, Monteneqro əsasən keçmiş Yuqoslaviyanın tərkib hissəsində olan dövlətlər də Azərbayca çox böyük maraq göstərdilər. İndi də Xorvatiya kifayət qədər ciddi iqtisadi problemlər yaşayır. Xorvatiya görür ki, Serbiya belə problemlərin məngənəsində olanda Azərbaycan onu xilas etdi. Xorvatiya da bu niyyətlə, bu ehtiyyatla Azərbaycan Prezidentinə üz tutur. Elə başa düşürəm Azərbaycanın imkanları o qədər çox olacaq ki, Xorvatiyanı bu vəziyyətdən çıxarda biləcək. Xorvatiyanın özünün iqtisadi cəhətdən üstünlükləri var amma Xorvatiyada elə üstünlüklərdir ki, onlar bizdə daha yaxşıdır.Xorvatiyanın ən birinci Azərbayacana təqdim etdiyi gəmiqayırma idi ki, artıq Azərbaycan dünya sularında üzə bilən tanker istehsal etmək gücündədir. Xorvatiya Azərbaycanla əczaçılıq sahəsində əməkdaşlıq təklif etmişdi. Amma görürüsünüz ki, Azərbaycan özünün daxilində əczaçılıq sənayesini inkişaf etdirmək üçün əsas tərəfdaşları olaraq artıq İran və Rusiyanı seçib. Amma turizm sahəsində əlaqələri genişlətməklə Azərbaycan Xorvatiyada geniş investisiyalı layihələr həyata keçirə bilər.

Fəridə Ağazadə

Telegramda izləyin

instagramda izləyin