"Paşinyan adi tarixi faktları bilmir və "şparqalka"dan istifadə edir"-RƏY
Fevralın 15-də Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevin və Ermənistan Respublikasının Baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı panel müzakirələri keçirilib.
N.Paşinyanın daha çox heç bir əsası olmayan, real faktlara söykənməyən arqumentlər gətirməyə cəhdi isə gülüş doğurub.
Debatın gedişatı zamanı Prezident İlham Əliyev məntiqli, tutarlı arqumentlər səsləndirməklə opponenti üzərində üstünlük qazanıb.
Prezident İlham Əliyevin tarixi faktlarla Paşinyanı susdurması və Paşinyanın tez-tez nitqində səhv etməsi ilə bağlı politoloq Məhəmməd Əsədullazadə Sonxeber.az-a danışıb.
O, bildirib ki, Münhen Təhlükəsizlik Konfransında Azərbaycan və Ermənistan liderlərinin dialoqunda əsas üstünlüyün Azərbaycan tərəfində olduğu şübhəsiz idi. Prezident İlham Əliyevin saxtakar və diletant Paşinyanın yalan üzərində qurulan monoloquna əsaslı və tutarlı cavab verməsi erməni Baş naziri çox çətin vəziyyətə saldı. Açığı, Paşinyan belə sərrast və real cavablar gözləmirdi. Biz Paşinyana diqqət etsək görərik ki, o adi tarixi bilmir və "şparqalka"dan istifadə edir. Bu o deməkdir ki, erməni lider öz ölkəsinin siyasətinin yalan üzərində qurulduğunu elan etmiş olur. Prezident İlham Əliyev belə bir mötəbər tədbirdə Paşinyanın yalançı olduğunu göstərməklə yanaşı, Qarabağla bağlı tarixi həqiqətləri beynəlxalq auditoriyanın nəzərinə çatdırdı. Hətta deyərdim ki, Paşinyan bu həqiqətlər qarşısında reallıqları qəbul etmiş oldu. Artıq ermənilər beynəlxalq səviyyədə bizə həqiqətən uduzmaq üzərədir.
Prezident İlham Əliyev tərəfindən bir neçə tədbirdə "nakaut"a düşən Paşinyanın Ermənistandakı siyasi nüfuzu da zədələnir. Ermənistan mətbuatı artıq Paşinyan əleyhinə kompaniya aparır.
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş